Футзал. Иккинчи ўйинда Қатар мағлуб этилди

5 декабрь куни бўлиб ўтган илк баҳсда Хосе Мария Мендез бошчилигидаги Ўзбекистон терма жамоаси 4:5 ҳисобида ютқазиб қўйганди.

Иккинчи учрашувнинг биринчи бўлимида вакилларимиз мезбонлар дарвозасига жавобсиз иккита тўп киритишди. Дилшод Ирсалиев ва Константин Свиридовлар ўз ҳисобларига биттадан гол ёзиб қўйишди.

Танаффусдан сўнг қатарликлар ҳисобни қисқартиришди. Ирсалиев дублга эришиб яна икки тўп фарқини юзага келтирди. Баҳсдаги сўнгги голни мезбонлар уришди - 2:3. Шу тариқа Ўзбекистон иккинчи ўйинда Қатарни мағлуб этди.

Ўртоқлик учрашуви
Қатар – Ўзбекистон 2:3
Голлар: Дилшод Ирсалиев 2та, Константин Свиридов

Ўзбекистон (Биринчи бешлик): Рустам Умаров, Константин Свиридов, Фарҳод Абдумавлонов, Артур Юнусов, Дилшод Ирсалиев.
Клим Тюгаев, Жавлон Аноров, Даврон Чориев, Дилшод Раҳматов, Андрей Шлема, Илҳом Ҳамроев, Нодир Элибоев, Феруз Фахриддинов, Жамолиддин Шарипов, Суннат Куралов, Даврон Абдураҳмонов.