Футзал бўйича Осиё чемпионатига бағишланган мусобақа бўлиб ўтди ФОТО

Юртимизда спортга, ҳусусан футболга берилаётган эътибор йилдан йилга кучайиб бормоқда. Футболнинг оммавийлигини ошириш бўйича бир қатор ишлар амалга оширилмоқда, мусобақалар ўтказилмоқда. 10 февраль куни Тошкентда бошланадиган футзал бўйича Осиё чемпионати арафасида турли соҳа вакилларидан иборат бўлган 6та жамоа бош соврин учун кураш олиб боришди. Икки гуруҳда 3тадан жамоа финалга чиқиш учун курашишди.

"A" гуруҳида актёр ва ижодкорлардан иборат бўлган "Санъаткор" жамоаси, Олий суд ходимларидан ташкил топган жамоа ва "Бунёдкор" клуби ходимлари жамоаси. "B" гуруҳида Олий лига ҳакамлари жамоаси, "Осиё" ва спорт журналистларидан иборат "Журналистлар" жамоаси қатнашишди. 

"Санъаткор" жамоасида актёр Алишер Узоқов, шоир Ботир Эргашев ва бошловчи Даврон Кабулов тўп тепишди. Олий лига ҳакамлари жамоасида Сайфиддин Эрматов, Равшан Эрматов, Абдулҳамидулло Расулов, Шерзод Қосимов, Аҳмад Эргашев каби ҳакамлар ўйнашди. "Бунёдкор" ходимлари сафида собиқ футболчилар Абдумажид Тоиров ва Александр Хвостунов ҳаракат қилишди.

Учинчи ўрин учун баҳсда Олий лига ҳакамлари "Бунёдкор" жамоаси билан тўқнаш келди. Унда ҳакамлар 3:1 ҳисобида зафар қучишди. Ҳал қилувчи финал учрашувида эса Олий суд ходимлари ва "Осиё" жамоаси ўйнади. Қизиқарли кечган ўйинда суд ходимлари жамоаси 3:2 ҳисобида ғолиб чиқишди.

"A" гуруҳи

"Санъаткор" - "Бунёдкор" 0:6

"Олий суд" - "Санъаткор" 2:1

"Бунёдкор" - "Олий суд" 0:3

"B" гуруҳи

"Ҳакамлар" - "Осиё" 0:3

"Журналистлар" - "Ҳакамлар" 2:6

"Осиё" - "Журналистлар" 9:7

3-ўрин учун баҳс

"Бунёдкор" - "Ҳакамлар" 1:3

ФИНАЛ

"Олий суд" - "Осиё" 3:2