Футзал бўйича Осиё чемпионатига бағишланади (ВИДЕО)
22 янв 2016 12:58
Янгиликлар

Футзал бўйича Осиё чемпионатига бағишланади (ВИДЕО)

Хабарингиз бор, 10-21 февраль кунлари Тошкентда футзал бўйича Осиё чемпионати бўлиб ўтади.

Ана шу нуфузли турнирга бағишлаб бир қатор ҳаваскор спортчилар жамоалари ўз мусобақаларини ўтказишга қарор қилишди.

23 январь, шанба куни пойтахтимиздаги минифутболга ихтисослашган “Футбол 20” спорт мажмуаси майдонида кечадиган жамоалар баҳслари қизиқарли кечишига шубҳа йўқ.

Майдонга чиқадиган жамоалар таркибидан ФИФА рефериси Равшан Эрматов сардорлигидаги Олий лига ҳакамлари, Раҳимжон Обидов сардорлигидаги Ўзбекистон Олий суди ходимлари, Мирзаҳаким Тўхтамирзаев шогирдларидан иборат футбол журналистлари, Алишер Узоқов, Даврон Кабулов каби актёрлар, Миллий олимпия қўмитаси ходимлари, “Ўзбекнаво” эстрада бирлашмаси вакиллари, “Бунёдкор” футбол клуби ходимлари ва бошқалар ўрин олишган.

Бу каби турнирларни ўтказиш яхши анъанага айланиб бормоқда. Бундан аввалги мусобақа 9 январь куни ташкил этилган ва Ватан ҳимоячилари кунига бағишланган эди. Мусобақадаги барча голлар билан махсус видеолавҳада танишишингиз мумкин.

TAS-IX

TAS-IX эмас