"Futsal Awards-2021". Йилнинг энг яхши терма жамоаси бўлиш учун номзодлар орасида Ўзбекистон ҳам бор
10 янв 2022 12:46
Янгиликлар

"Futsal Awards-2021". Йилнинг энг яхши терма жамоаси бўлиш учун номзодлар орасида Ўзбекистон ҳам бор

Футзал оламида нуфузли ҳисобланган Futsalplanet.com халқаро портали анъанавий равишда йилнинг энг яхшиларини аниқлаб келади.

Шу жумладан, 2021 йил лауреатларини аниқлаш учун номзодлар ҳам эълон қилинди. Унга кўра, Баҳодир Аҳмедов бошчилигидаги Ўзбекистон футзал терма жамоаси ҳам номзодлар 10лигига киритилган. Футзалимиз тарихида фақатгина 2012 йилда афсонавий дарвозабонимиз Рустам Умаров йилнинг энг яхши дарвозабони бўлиш учун якуний номзодлар 10лигидан жой олган эди. Терма жамоамиз эса илк бор энг яхшилар ўнлигидан жой олди.

Ушбу рўйхатдан энг яхшиларни махсус халқаро экспертлар аниқлашади.

"Futsalplanet Awards-2021"

Йилнинг энг яхши эркаклар терма жамоаси бўлиш учун номзодлар:

Аргентина

Босния ва Герцеговина

Эрон

Япония

Қозоғистон

Марокаш

Португалия

Словакия

Ўзбекистон

Венесуэла

Эслатиб ўтамиз, Ўзбекистон футзал терма жамоаси 2021 йил Литвада бўлиб ўтган мундиалнинг "A" гуруҳида Россиядан сўнг иккинчи ўринни банд этиб плей-оффга йўл олган. Нимчорак финалда эса Эронга 8:9 ҳисобида имкониятни бой бериб қўйган эди.