Ф.Торрес: "Гамейро "Атлетико"да кўплаб голлар уришига ишонамиз"

Tolibjon Qosimov

16 сен 2016, 14:41

Мадриднинг "Атлетико" жамоаси ҳужумчиси Фернандо Торрес клубдаги амплуадоши Кевин Гамейро манзилига илиқ сўзларни айтди.

Кевин пойтахт жамоасига шу мавсум аввалида келиб қўшилди, унгача эса "Севилья" сафида тўп тепиб келаётган эди.

"Мавсум стартида қийин ўйинларни ўтказдик. Улар майдоннинг ўзларига тегишли қисмини ёпа оладиган жамоалар эди. Биз ҳаммамиз Гамейрога ишонамиз ва у "Атлетико" учун кўплаб голлар уришига аминмиз. Ахир, у кучли ва клубимиз учун муҳим ҳужумчи", - дея Торреснинг сўзларини келтирмоқда "Marca".