Фрэнк Лэмпард: “Бундай мағлубиятдан кейин бирор нима дейиш қийн. “Челси” ҳали қайтади”

Икки учрашув натижасига кўри лондонликлар “Бавария”га 1:7 ҳисобида имкониятни бой беришди ва турнир билан хайрлашишди.

“Бавария”га қарши баҳс ва уларнинг турнирдаги тажрибаси – биз учун яхши машғулот бўлди. Сафимиздаги кўплаб футболчилар дебют мавсумни ўтказишмоқда. Жамоам мен истаган йўналишда кетаётганига аминман. Биз ҳали қайтишимизга ишонаман.

1:4 ҳисобидаги мағлубиятдан кейин ниманидир гапириш ёқимсиз ҳолат, аммо тезкор икки голдан кейин жамоа ўйинга қайта олди. Рақиб билан ўйинимизни таққослаганимда, жамоамдаги яхши ва ёмон ҳолатлар кўзга ташланди. Бизда шундай хатолар кузатилдики, рақибларимиз бундан унумли фойдаланиб кетишди. 

Ишлашда давом этамиз. Бу “Челси” учун нормал ҳолат эмас. Биз энг яхши ўйинчиларимиздан бири Эден Азарни йўқотдик. Одатда чемпионатда тўртинчи ўринни эгаллаш кўп ҳам мухлисларга ёқавермайди, аммо бу ҳам менга жамоа билан нимагадир эришганимиздек туюлди.

Энди бунданда яхшироқ натижаларга эриша олишимиз кераклиги хусусида бош қотиришимиз лозим”, деди Лэмпард.