Франция чемпионати. “ПСЖ” футболчилари гол урмасдан ғолиб чиқишди

Ўз майдонида “Лион” футболчилари билан куч синашган парижликлар ўйиннинг сўнгги дақиқаларида рақибни хато қилишга мажбур қилишди. Дастлаб чап қанотдан узатилган тўпни Кавани товони билан дарвозага йўллади. Тўп ҳимоячилардан бирига тегиб, “Лион” дарвозасига йўл олди. Орадан кўп ўтмай Мбаппе рақиб посбони билан бирга бир вазиятга чиқди. Ёш ҳужумчининг зарбасини “Лион” посбони Антони Лопеш қайтарди, аммо дарвозабондан қайтган тўп меҳмонлар ҳимоячиси Морельга тегиб, дарвозага йўл олди – 2:0. Қолаверса, Кавани томонидан йўлланган зарбани ҳам рақиб посбони бартараф этганини таъкидлаш лозим.

Асабий кечган баҳсда қийин ғалабага эришган Унаи Эмери шогирдлари турнир жадвалида 100 фоизлик кўрсаткич билан пешқадамлик қилишмоқда.

Франция чемпионати.

6- тур

ПСЖ – Лион 2:0

Голы:1:0 – 75, автогол Марсело, 2:0 – 86, автогол Морель.

ПСЖ – Ареоля, Тиаго Силва, Курзава (Берчиче, 73), Дани Алвес, Кимпембе, Дракслер (Ло Чельсо, 72), Рабьо, Мотта, Неймар, Мбаппе, Кавани.

Лион –Антони Лопеш, Марсело, Менди, Тете, Морель, Траоре, Ндомбеле (Мартинш Перейра, 72), Фекир, Тузар, Депай (Ауар, 90), Диас (Корне, 63).

Огоҳлантириш:Мотта (45), Фекир (55), Неймар (76), Менди (79), Тиаго Силва (81).