Франц Беккенбауэр: "Бавария" "Барселона" ва ПСЖга ўхшаб бир футболчига қараб қолмаган"

Хосеп Гвардиола ҳар бир футболчини керакли нотада ушлаб тура оладиган мураббий. "Бавария"нинг муваффақияти сири шундаки, жамоанинг захираси жуда кенг ва ҳар турда таркибда ротация олиб борилади. "Бавария" "Барселона" ва ПСЖ каби жамоаларги ўхшаб бир футболчига боғланиб қолмаган. "Барселона" Мессисиз кучсизланиб қолади. ПСЖ ҳам АПОЭЛга қарши ўйинда жуда қийналиб қолди. Парижликлар Ибрагимовичсиз анча қийин ўйнашди. "Бавария"да ҳам ўзининг етакчи ва алмаштириб бўлмас футболчилари бор. Масалан, Швайнштайгер ва Рибери. Бу икки футболчи узоқ муддатдан буён жароҳатини даволаш билан банд. Лекин жамоа уларсиз ҳам керакли натижаларни қўлга киритмоқда ва ўз ўйинини йўқотиб қўймаяпти. Бу жуда муҳим. Бундеслигада рақобат йўқ? Бу чемпионат бир жамоа турнири? "Боруссия Д"ни ички чемпионатда иши юришмаяпти. Лекин европанинг энг нуфузли мусобақасида нималар кўрсатмоқда бу жамоа? "Байер" ва "Шальке" ҳам деярли плей-офф масаласини ҳал этиб қўйишди. Германиянинг барча жамоаси бу турда ғалаба қозонди. "Боруссия Д" ва "Бавария" меҳмонда йирик ҳисобда рақибларини тазирини берди. Бу нима бундеслига кризисда эканлигидан далолатми?