Фозил Мусаев Қатар клубида тиббий кўрикдан ўтди
18 июл 2013 10:19
Янгиликлар

Фозил Мусаев Қатар клубида тиббий кўрикдан ўтди

“Бунёдкор” ва Ўзбекистон миллий терма жамоаси марказий ярим ҳимоячиси Фозил Мусаевнинг Қатар чемпионатига йўл олиши ҳақидаги хабарлар сўнги ҳафталарда кўпчиликнинг диққат марказида бўлди.

Бугунга келиб, ниҳоят, ушбу мавзуга нуқта қўйиладиган кўринади.

Қатарга ўз агенти Санъат Шарипов билан етиб борган Мусаев куни кеча Дохада тиббий текширувдан муваффақиятли ўтди ва бугун 24 ёшли ярим ҳимоячимиз билан Қатар Юлдузлар Лигасининг янги аъзоси – “Ал-Меайзер” клуби шартнома имзолаши кутилмоқда.

Хабарингиз бор, Фозил Мусаев “қалдирғочлар” сафига шу йил бошида келиб қўшилган эди. “Бунёдкор”га келгунига қадар эса у Муборакнинг “Машъал” (2009 – 2011 йилнинг ярмигача) ҳамда Қаршининг “Насаф” (2011-2012) жамоаларида тўп сурди. “Насаф” жамоаси таркибида 2011 йили ОФК кубогини қўлга киритди. Ўзбекистон миллий терма жамоаси сафида шу кунгача у 13 учрашувда майдонга тушган.

Б.Турсунов

Ҳавола :

Манба : championat.asia

Янгиликларни Телеграмда ўқинг!

Рейтинг: