Фотомақола: Мағлубиятдан қутилиб қолган "Локомотив"

ОЧЛнинг янги мавсумидаги тўплари ҳам ўзига хос дид билан безатилган.

Осиёнинг икки карра энг яхши футболчиси, яна олий лига клуби сафида. Унинг ортидан эса Скудетто соҳиби ва ЕЧЛ ғолиби. Гана терма жамоаси шарафини ҳимоя қилган Мунтари.

Кеча, 8-рақамдаги бу футболчни фақат шундай йўл билан тўхтатиб қолиш мумкин эди. Жасур Ҳасановнинг шарофати билан кейинги ўйинда у майдонга туша олмайди.

ОЧЛда дебют ўйинини ўтказган Шерзод Файзиевни ҳам Фаҳад Алмуваллад роса қийнади.

Кечаги "Локомотив"даги биргина ёқимли ҳолат, Нестеровни формасини тиклаб олганлиги бўлди.

Сўнгги дақиқадаги гол "Локомотив"га муҳим бир очкони келтирди. Афсуски 93-дақиқада Бикмаев бўш қолган дарвоза тўрини ишғол қила олмади.

Бу йилги "Локомотив" аввалгиларидан яхшироқ ўйнаши керак. Аммо, таркибдаги уч нафар футболчи ўзига бегона бўлган нуқтада ўйнаши, жамоани рақибни кучли томонига ечим топа олмагани ўйлаб кўриш керак бўлган муаммо.

Рақиб сафида Мунтари тўп тепадими ёки бошқа футболчи, агар "Ал Иттиҳод"нинг кечаги ўйини бўладиган бўлса, меҳмонда бемалол ғалабани ўйласа ҳам бўлаверади. Бу ишни уддалаш учун, фақат қанотлардаги беҳуда тўп оширишларни ўрнига, рақибнинг марказидаги боғлиқликни еча олиш керак. Кеча кўрдик, 90-дақиқа давомида иккинчи қаватдаги вазиятлардан биттасидангина тўп Махарадзега етиб келди, қолганларида Ассаф ал Қарни тўлиқ хавфни бартараф этди.

Нодирхўжа Юлдашев