Филипосян ва Шотурсунов қайтади, Бозоров ва Холмуродов ўйнамайди
21 авг 2015 14:48
Янгиликлар

Филипосян ва Шотурсунов қайтади, Бозоров ва Холмуродов ўйнамайди

19-тур доирасидаги «Динамо» - «Шўртан» учрашуви олдидан ҳар икки жамоа таркибида ҳам йўқотишлар мавжуд.

Жумладан, ўтган турда «Қизилқум» билан ўйинда ҳакам томонидан майдондан четлатилган икки ҳимоячи Акмал Холмуродов ва Акмал Бозоровлар «Шўртан» билан баҳсда жамоамизга ёрдам бера олишмайди. 17-турда «Бухоро» билан баҳсда майдондан четлатилган Фаррух Шотурсунов ва 4-сариқ карточкасини олганда Артём Филипосянлар эса бир ўйинлик дисквалификациядан сўнг бугун майдонга тушишлари мумкин.

Шунингдек, рақиб жамоа Ғузорнинг «Шўртан» клуби сафида ҳам йўқотишлар бор. Жумладан жамоанинг марказий ҳимоячиси Дарко Станоевич ва Умар Эшмуродовлар ўтган турда «Бунёдкор»га қарши мавсумдаги 4-сариқ картчокаларини олганликлари учун ушбу баҳсни ўтказиб юборишга мажбурлар.

Эслатиб ўтамиз, «Динамо» - «Шўртан» учрашуви 21 август куни соат 17:30 бошланади. Турнинг шиддатли ўтиши кутилаётган баҳсини Равшан Эрматов бошчилигидаги ҳакамлар бригадаси бошқариб боради.

Ҳавола :

Манба : fcdinamo.uz

Янгиликларни Телеграмда ўқинг!

Рейтинг: +1