ФИФА "Қизилқум" клубига нисбатан белгиланган трансфер тақиқини олиб ташлади
29 июл 18:55
Янгиликлар

ФИФА "Қизилқум" клубига нисбатан белгиланган трансфер тақиқини олиб ташлади

Жорий йилнинг 4 апрель куни ФИФА Низоларни ҳал этиш палатаси "Қизилқум" ҳамда унинг Шимолий македониялик собиқ футболчиси Марко Симоновский ўртасидаги низоли вазият юзасидан қарор чиқарганди.

Унга асосан "Қизиқилум" собиқ ўйинчиси олдидаги молиявий мажбуриятни 45 кун муддат ичида бартараф этиши лозим эди.

Клуб белгиланган муддат ичида бу масалани бартараф этмагач, июнь ойида унга нисбатан трансфер тақиқи жорий этилган эди.

"Қизилқум" куни-кеча футболчи билан ҳисоб-китоб қилди ва ФИФАга тақиқни олиш бўйича сўров юборилди. Бугун ФИФА "Қизилқум"дан трансфер тақиқини олиб ташлади.

Ҳавола :

Манба : pfl.uz

Янгиликларни Телеграмда ўқинг!

Рейтинг: +3