ФИФА президенти янги қоидаларга қарши экан
02 мар 2024 14:34
Янгиликлар

ФИФА президенти янги қоидаларга қарши экан

ФИФА президенти Жанни Инфантино футболда кўк карточка қоидасига қаршилигини айтди.

Олдинроқ, қоидаларни футболга киритиш билан шуғулланувчи футбол ассоциациялари халқаро кенгаши (IFAB) кўк карточка (ҳакамлар билан тортишув ва тактик фоллар учун кўрсатилади) қоидасини тасдиқлади. Кўк карточкани олган футболчи 10 дақиқага майдондан четлатилади.

Кейинроқ, негатив реакциялар туфайли бу қоидадан воз кечишлари мумкинлиги айтилди.

Якуний қарор IFABнинг бугунги йиғилишида қабул қилинади.

"ФИФА кўк карточкаларга қарши. Кўк карточкага қизил карточкани кўрсатамиз.

IFAB ва ФИФАдагилар турли таклиф ва ғоялар учун очиқ... Аммо уни кўриб чиқишда футболни, унинг мақсадини ва анъаналарини ҳимоя қилишимиз керак. Кўк карточка мавжуд эмас" - деди Жанни Инфантино.

Ҳавола :

Манба : Sky News

Янгиликларни Телеграмда ўқинг!

Рейтинг: +9