Ташкилот Россияни турнирларга қайтариш масаласини муҳокама қилишни режалаштирмаяпти.
Аввалроқ Халқаро футбол федерацияси президенти Жанни Инфантино Россияга қўйилган тақиқни бекор қилиш лозимлигини таъкидлаб, бу чеклов ҳеч қандай натижа бермаганини ва фақат нафрат уйғотганини айтган эди. Бироқ "The Times" нашрининг хабар беришича, бундай қадам бир қатор Европа давлатларининг кескин қаршилигига сабаб бўлиши мумкин. Шу боис ФИФА кенгаши ушбу масала бўйича овоз беришни ўтказиш ниятида эмас.
Эслатиб ўтамиз, Россия терма жамоалари ва клублари 2022 йилдан буён ФИФА ҳамда УЕФА шафелигидаги мусобақалардан четлатиб келинмоқда.
