ФИФА ЖЧ-2026 чипталарининг бошланғич нархини белгилади
04 сен 15:06
Янгиликлар

ФИФА ЖЧ-2026 чипталарининг бошланғич нархини белгилади

ФИФАга кўра, 2026 йилги Жаҳон чемпионати чипталарини сотишнинг биринчи босқичида динамик нархлар қўлланади, мухлислар бозор талабига қараб турли нархлардаги тўловни амалга оширади ва чипталар 60 доллардан бошланади.

Мухлислар 10 сентябрь куни CEТ (Марказий Европа стандарт вақти (UТC +1)да бошланадиган ва 19 сентябрга қадар давом этадиган VISA олди-сотдиси вақтида АҚШ, Канада ва Мексика мезбонлигидаги ЖЧ чипталарини сотиб олиш учун биринчи имкониятга эга бўлади.

Гуруҳ босқичи ўйинларига чипталар Visa карталари эгалари учун 60 доллардан сотилади, кейинги босқичлар, жумладан, финал ўйинлари учун нархлар 6730 долларни ташкил этади, дея хабар берди ФИФА.

ФИФАнинг чипталар ва меҳмондўстлик бўйича директори Фальк Эллер журналистларга: "Visa сотувининг биринчи босқичи учун бизда 1 миллионга яқин чипталар мавжуд", деди.

Унинг қўшимча қилишича, нархлар бозор талабига қараб ўзгаради, бу динамик нархлаш ёки нархнинг ўсиши деб номланувчи стратегия саналади.

Динамик нархлар кўпинча байрам мавсумида авиабилетлар ва меҳмонхона нархларида кузатилади.

Ҳавола :

Манба : ESPN

Янгиликларни Телеграмда ўқинг!

Рейтинг: +4