ФИФА Эрон ва Қатар футболчиларини жазолади
07 ноя 2016 13:06
Янгиликлар

ФИФА Эрон ва Қатар футболчиларини жазолади

Жаҳон чемпионати-2018 саралашининг учинчи босқичида Ўзбекистон билан бир гуруҳдан ўрин олган Эрон ҳамда Қатар терма жамоалари аъзолари ФИФА тартиб-интизом қўмитаси томонидан жазоланди.

Саралашнинг учинчи босқичи, биринчи тури доирасида Теҳронда бўлиб ўтган Эрон – Қатар ўйини давомида юзага келган жанжал сабаб Қатар терма жамоаси аъзолари - Машъал Абдуллоҳ, Аҳмад Ёсир, Холид Муфтанининг ҳар бирини икки ўйинга, Абдулкарим Ҳассанни эса уч ўйинга четлатди.

Эронликлардан эса Сардор Азмун ва Эҳсон Ҳожисафий биттадан ўйинга четлатиш олди. Шунингдек, футболчиларга 5 минг АҚШ доллари миқдорида жарима солинган.

Шуни ҳам қўшимча қилиш керакки, саралашнинг учинчи босқич, тўртинчи тури доирасида, 11 октябрь куни бўлиб ўтган Эрон – Корея учрашуви олдидан стадионда ҳамда танаффус вақтида диний маросим ўтказилганлиги ҳамда мухлислар томонидан диний баннерлар кўтарилгани сабаб Эрон Футбол Федерацияси 45 минг АҚШ доллари миқдорида жаримага тортилган.

Ҳавола :

Манба : the-uff.com

Янгиликларни Телеграмда ўқинг!

Рейтинг: +13