Феруза Жўрабоева: “Бугун омад етишмади, навбатдаги учрашувларда ғалаба қозонишга ҳаракат қиламиз”
11 июн 2019 10:10
Янгиликлар

Феруза Жўрабоева: “Бугун омад етишмади, навбатдаги учрашувларда ғалаба қозонишга ҳаракат қиламиз”

Аёллар ўртасидаги Ўзбекистон чемпионати 11-туридан ўрин олган “Нефтчи”W - “Пахтакор” W (0:3) учрашувидан сўнг мезбонлар футболчиси Феруза Жўрабоева қуйидагича фикрларни билдирди.

Бугун яхши учрашув ўтказдик деб ўйлайман. Бугунги мағлубиятга жамоамиздаги айрим асосий таркиб фуболчилари ўйинда иштирок эта олмаганлиги сабаб бўлди, умуман олганда кучли рақибга қарши ёмон ўйин ўтказмадик. Нима ҳам дердик, бугун омадимиз келмади, навбатдаги учрашувларда ғалаба қозонишга ҳаракат қиламиз.

Бугун жамоамизнинг асосий ҳимоячиларидан бири учрашувда иштирок этолмаганлиги учун ҳимояда ўйнашга мажбур бўлдим. Олдимизда қийин учрашувлар кутиб турибди, чемпионат ҳали олдинда, насиб бўлса астойдил ҳаракат қилиб “Нефтчи” аёллар жамоасини ғалабаларига ўз ҳиссамни қўшаман деган умиддаман. Келажакдаги мақсадим – ўз устида кўпроқ ишлаб, Ўзбекистон аёллар терма жамоасида ўйнаш, шунингдек Фарғонада аёллар футболини ривожлантиришга ҳиссамни қўшишдан иборат.

Бекзод Толибов ёзиб олди.