Фердинанд Саульнинг МЮга ўтиши ҳақида: "Топ-ўйинчи, буни бир неча йиллардан буён айтиб келаман"
01 апр 2020 10:20
Янгиликлар

Фердинанд Саульнинг МЮга ўтиши ҳақида: "Топ-ўйинчи, буни бир неча йиллардан буён айтиб келаман"

"Манчестер Юнайтед" собиқ ҳимоячиси Рио Фердинанд "Атлетико" ярим ҳимоячиси Сауль Ньигеснинг эҳтимолий трансфери ҳақида гапирди.

"Қандай ўйинчи! Мен бир неча йиллардан бери Сауль ҳақида гапираман. Мен уни топ-ўйинчи деб ўйлайман.

Ҳамма нарсаси жойида, хотиржам, ақлбовар қилмас чап оёққа эга ажойиб плеймейкер, тактикани ҳам зўр тушунади ва голлар ҳам уради. Симеонега қаранг, у ўз жамоаларини яхши тарзда қуради, у ерда Сауль майдон марказида ўйинни ташкил этади ва жамоа темп ва тезлик бериб туради.

Сауль Ньигес ажаблантиради. Бу ҳафтада унга "Манчестер Юнайтед" қизиқаётганлиги борасида газеталарда хабарлар чиқди, аммо кўрайликчи нима бўларкин", - дейди Фердинанд.

Бундан олдин МЮ Саульни 151 миллион еврога харид қилган ҳолда, клубнинг трансфер рекордини янгиламоқчи эканлиги ҳақида хабарлар янграган эди.

Эслатиб ўтамиз, 25 ёшли Сауль Ньигес "Атлетико" тарбияланувчиси ҳисобланади. У 2016 йилдан бери Испания терма жамоаси шарафини ҳимоя қилмоқда.