Фарғонада “С” лицензияси учун тайёрлов курслари ўтказилди

Narzulla Saydullayev

25 апр 2019, 18:40

20-23 апрель кунлари Фарғона шаҳрида вилоятдаги 18 нафар футбол мураббийлигига номзодлар учун Ўзбекистон футбол ассоциацияси томонидан “С” лицензиясини олиш учун 4 кунлик тайёрлов курслари ўтказилди.

Ўқув курсларини ОФК инструктори Зойир Ҳасанов олиб борди. Номзодлар ўқув курс давомида назарий билимлар билан бирга амалий машғулотлардан имтиҳонлар топширишди. Ўқув курслари Фарғона болалар ва ўсмирлар футбол академияси ҳамда “Нефтчи” футбол академияси майдонларида ташкил этилди.