Фарғонада мини-футбол мусобақаси

Фарғона вилояти мини-футбол ассоциацияси томонидан ташкил этилган мазкур турнирда водийнинг 11 та жамоаси иштирок этмоқда. Ҳар якшанба кунлари ўтказилаётган ўйинларда Фарғона, Андижон, Наманган, Марғилон шаҳридан иккитадан жамоа, Олтиариқ ва Риштон туманидан биттадан жамоа, шунингдек, “Нефтчи” ёшларидан ташкил топган жамоалар иштирок этишмоқда.

Маълумотларга қараганда, жорий йилдан бошлаб, “Нефтчи” тассаруфида ҳам мини-футбол жамоаси тузилди. Мазкур турнир орқали ушбу жамоага ёш иқтидорли футзалчиларни танлаб олиш мақсад қилинган.

Бу ҳали ҳаммаси эмас Фарғона вилояти мини-футбол ассоциацияси водий жамоалари ўртасида “Водий Кубоги” мусобақасини ташкил этишни мақсад қилган. Ундан иштирок этишни истовчи жамоалар Фарғона вилояти мини-футбол ассоциациясига мурожаат этишлари мумкин.

А. Деҳқонов