UZ

Сўнгги янгиликлар

00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  2 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  3 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  24 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24 20:32Дунёнинг етакчи лигалари ФИФАни судга бермоқчи  4 20:15"Локомотив" "SWM Motors" билан ҳамкорлик шартномаси имзолади  1

Фарғонада "Чарм тўп" анъанавий футбол мусобақаси вилоят босқичи ярим финал ўйинлари ўтказилди Янгиликлар

Фарғонада "Чарм тўп" анъанавий футбол мусобақаси вилоят босқичи ярим финал ўйинлари ўтказилди

Теглар :  Чарм тўп
Мамлакатимизда ёш авлодни спортга жалб этиш, уларни ҳар томонлама соғлом этиб тарбиялаш борасида бир қатор ижобий ислоҳотлар олиб борилмоқда.

Ўзбекистон жисмоний тарбия ва спорт вазирлиги, Миллий олимпия қўмитаси, Ўзбекистон футбол ассоциацияси ва бошқа тегишли ташкилотлар ҳамкорлигида маҳаллалар ёшлари, хусусан, 18 ёшдан 30 ёшгача бўлган ҳаваскор футболчилардан ташкил топган жамоалар ўртасида ўтказилаётган “Чарм тўп” анъанавий республика футбол мусобақасининг ташкил этилганлиги юқоридаги фикрларимизнинг яққол далилидир.

Жумладан бугун Фарғона шаҳар футбол академияси майдонида анъанавий "Чарм тўп" футбол мусобақасининг вилоят босқичи ярим финал учрашуви ўтказилди. Мазкур футбол учрашувидан олдин Фарғона вилояти жисмоний тарбия ва спорт бошқармаси, Фарғона вилояти футбол ассоциацияси ва бошқа мутасадди ташкилотлар вакиллари иштирокида маросим ташкил этилди. Учрашувдан олдин Фарғонанинг "Нефтчи" жамоасининг собиқ ва фахрий футболчилари Мансур Саидов, Ғайрат Ҳасанов, Анвар Бердиев, Бахтиёр Ёқубов ва Отабек Зокировлар иштирокида ёш футболчиларга мастер-класс ўтказиб берилди.

Шундан сўнг Ўзбекистон Республикаси давлат мадҳияси садолари остида "Чарм тўп" анъанавий футбол мусобақасининг вилоят босқичи ярим финал учрашувларига старт берилди. Ярим финалнинг дастлабки учрашувида Марғилон шаҳрининг "Баҳрин" маҳалласи жамоаси ҳамда Қўштепа тумани жамоаси вакиллари ўзаро тўқнаш келдилар. Учрашув муросасиз ва кескин курашларга бой тарзда ўтди. Майдонда ҳақиқий профессионаллар каби ҳаракат қилган ҳар икки жамоа футболчиларида ватанпарварлик шукуҳи уфуриб турарди. Учрашувда дастлаб ҳисобни Қўштепа тумани жамоаси вакиллари очишди. Ўйинни бошқариб бораётган бош ҳакам Марғилон шаҳрининг "Баҳрин" маҳалласи футболчилари ўз жарима майдонлари ичида рақибга нисбатан қўполлик ишлатишди деб топди ва марғилонликлар дарвозаси томон пенальти белгилади. Юзага келган имкониятдан унумли фойдаланган холда Қўштепа тумани жамоаси вакиллари пенальтини аниқ амалга ошириб, учрашувда ҳисобни очишди - 1:0.

Ўтказиб юборилган голдан сўнг Марғилон шаҳри жамоаси вакиллари ҳужумкорликни оширдилар. Бир неча бор яратилган хавфли вазиятлар, жарима зарбалари анча вақтгача наф келтирмади. Ниҳоят кетма-кет ташкил этилган ҳужумлар ўз самарасини бериб, марғилонликлар ҳисобни тенглаштиришга муваффақ бўлдилар. Бу вазиятда қанотдан етказиб берилган тўпни марғилонликлар футболчиси бош билан Қўштепа тумани жамоаси дарвозасига гол киритди - 1:1

Учрашув сўнгига қадар ҳар икки жамоа вакилларида рақиб дарвозасига гол киритиш учун имкониятлар юзага келган бўлсада, ўйинда бошқа ҳисоб ўзгармади.

Мусобақа регламентига кўра, учрашув ғолиби пенальтилар сериясида аниқланди. Шиддатли кечган футбол лотереясида Марғилон шаҳар "Баҳрин" жамоаси вакиллари ғалаба қозониб, финал босқичига йўлланмани қўлга киритдилар.

Умуман олганда, Фарғона вилоятида "Чарм тўп" анъанавий футбол мусобақаси юқори савияда ташкил этилмоқда. Эслатиб ўтамиз, финал учрашуви бугун соат 17:00 да Фарғона шаҳар футбол академияси майдонида ўтказилади.



Бекзод Толибов, Фарғонадан махсус



Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика