Факт кетидан факт. Равшан Эрматов ҳозирча ОЧЛ ўйинини бошқаргани йўқ

Тажрибали ҳакам сифатида аллақачон тан олинган Эрматов бу йил ҳисобидан ҳозирча Осиё чемпионлар лигасининг бирортаям баҳсини бошқаргани йўқ. Бу эса албатта, бизни ҳайрон қолдирмасдан қўймайди.

Кеча ва ундан олдинги кун бўлиб ўтган 3-тур беллашувларидан сўнг ОЧЛ гуруҳ босқичининг биринчи даврасига якун ясалди. Ҳозирча биздан биргина Валентин Коваленко учта ўйинни бошқарди. Равшан Эрматов эса негадир бунгача ўтказилган учрашувларга тайинланмади. У энди 4-турдан ўрин олган “Ал Аҳли” – “Сепахон” баҳсини бошқаради. Ўйин 1 апрель куни бўлиб ўтади. Шунингдек, 23 апрелдаги “Санфречче Хиросима” – “Сентрал Коаст” ўйинига ҳам Эрматов бош ҳакам этиб тайинланган.

Хайрулла Холиқов.