Фаҳад Ал Мирдаси Ўзбекистоннинг Жанубий Корея билан ўйинларида учинчи марта ишлайди
12 ноя 2016 10:41
Янгиликлар

Фаҳад Ал Мирдаси Ўзбекистоннинг Жанубий Корея билан ўйинларида учинчи марта ишлайди

Жанубий Корея - Ўзбекистон учрашувида саудия арабистонилик Фаҳад Ал Мирдаси ишлаши ҳақида хабар бердик.

1985 йилда туғилган ҳакам 2011 йил халқаро ўйинларни бошқаришни бошлаган. ОФК ушбу ҳакамнинг бригадасини 2015 йилнинг энг яхши бригадаси деб топган эди.

Мирдаси Ўзбекистон миллий терма жамоасининг Осиё Кубоги-2015 чорак финали доирасидаги Жанубий Кореяга қарши ўйинда бош ҳакам бўлган. Ўша учрашувда корейслар 2:0 ҳисобида зафар қучишганди.

Бу ҳакам Ўзбекистон олимпия терма жамоасининг Бангладешдаги саралаш баҳслари доирасидаги икки учрашувида фаолият олиб борди. Бангладешга қарши учрашувда Бахтиёр Ашурматов бошчилигидаги жамоамиз 4:0 ҳисобида зафар қучишган бўлса, Сурияга 1:2 ҳисобида ютқазиб қўйгандик.

2016 йил бошида Қатар мамлакатида бўлиб ўтган U-23 Осиё чемпионатида Жанубий Корея - Ўзбекистон учрашувида ҳам айнан шу Ал Мирдаси ишлаганди. Вакилларимиз 1:2 ҳисобида мағлуб бўлган ўйинда бош ҳакам дарвозамиз томон шубҳали пенальти белгилаган эди.

TAS-IX эмас