"Эйбар"га қарши баҳс олдидан "Барселона" устози матбуот-анжуманида иштирок этди

"Эйбар" футболчилари мураббийнинг кўрсатмаларини тўлиқ бажаради ва айни дамда улар жуда яхши формада. Улар ўйинда устунлик қилишга қодир ва ушбу баҳс биз учун жуда қийин кечиши мумкин.

Биз ҳали ҳеч нарса ютмадик. "Хетафе"га қарши ўйин (0:0) ҳали ҳамма нарса бўлиши мумкинлигини кўрсатди. Олдинда кўплаб ўйинлар бор.

"Ҳозир сешанба куни бўладиган "Челси"га қарши баҳс ҳақида ўйлаётганимиз йўқ. Фақат эртанги ўйин борасида бош қотиряпмиз.

"Реал" ва ПСЖ ўртасидаги ўйинни кўрдим. Менимча ҳали ғолиб аниқланмади.

Бир ҳафта дам олдик? Биз бу ҳафтага муҳтож эдик, айниқса рухий жиҳатдан.

Коутиньо ва Дембеле? Агар улар вазиятни ўзгартира олишса, биз уларни тўхтатмаймиз. Аммо доимо улар фойдасига қарор қабул қилишимиз керак.

"Эйбар" бизга катта босим ўтказади. Хуштак чалиниши билан бор эътиборимизни шу баҳсга қаратишимиз лозим.

Пике эртанги ўйинга тайёр бўлади, у ўтган ҳафта майдонга тушишга тайёр эди. Вермален? Кутамиз, ҳозирча у тайёр эмас" - дейди Вальверде.