Футбол оламида мухлисларга энг кўп ҳаяжонли онларни ЕЧЛ тақдим этади, бироқ қитъанинг айрим клублари келажак Суперлигага тегишли эканига барчани ишонтиришга уринмоқда. Ушбу мавсумда мазкур ғояни шакллантирган асл 12 аъзонинг 5 таси Чемпионлар Лигаси плей-офф босқичида иштирок эта олмайди.
"Барселона", "Ювентус", "Атлетико", "Манчестер Юнайтед" ва "Арсенал" ўз маҳаллий лигаларини тарк этишга ҳам кўз юмиб элита лигани ташкил этишга киришган эди, бироқ улар жорий мавсум ЕЧЛда ғалаба қозониш имкониятига эга бўлмайди. Уларнинг айримлари гуруҳ босқичидан ўта олмади, баъзилари эса умуман йўлланмага эга чиқа олмади. Улар ўзларидан кичикроқ, деб ҳисоблаган клублар томонидан мусобақадан "улоқтирилди".
12 та жамоанинг бир қисми бўлган "Тоттенхэм" ва "Милан" оғир аҳволда, уларнинг тақдири кейинги ҳафтада маълум бўлади. Бу УЕФАга тегишли мусобақанинг энг юқорида бўлишини сақлаб қолади ва ўзини катта клуб, деб ҳисоблаганларнинг аслида кучли жамоалар эмаслигини исботлайди.
