Эвра Фергюссонинг Москвадаги финал олдидан қилган нутқи ҳақида: “МЮдаги фаолиятим давомидаги энг таъсирлиси”

Патрис Эвра Сер Алекс Фергюссонинг нутқини эсга олди.

“У кийиниш хонасига кириб, ўтирганини эслайман ва барчамизга қараб: “Аллақачон ғолиб бўлганман. Биз аллақачон ғалаба қозонганмиз, ҳатто майдонга чиқишимиз ҳам шарт эмас. Ўзингизга қаранг, бизда интернациональ жамоа бор: кореялик, аргентиналик, бразилиялик, француз, инглиз, испан, поляк. Бу ерда кўп миллатли жамоани кўриб, аллақачон ғолиб бўлганман.

Кейин у таржимаи ҳолимиз ҳақида гапиришни бошлади: “25 болани боқишга тўғри келган Патрис Эвранинг онаси қандай қийинчиликларни бошдан кечирганини тасаввур қилинг. Карлос Тевес Буэнос-Айресда қандай ўсгани, Андерсоннинг Фавеладаги ҳаётини кўз олдингизга келтиринг.

У барчамизнинг таржимаи ҳолларимизни гапириб берди ва бу бизни таъсирлантирди. У футбол ҳақида бирорта ҳам сўз айтмади, фақатгина ҳаётимиз ҳақида гапирди. Кейин эса кийиниш хонасидан чиқиб, ўзимизни жангчилардек ҳис этдик ва ўлишга ҳам тайёр эдик. Бу унинг “Юнайтед”даги фаолиятимдаги энг зўр нутқи эди”, дея эслайди Эвра.