«Эвертон» собиқ футболчиси умрининг охиригача қамоқда ўтиради. У терма жамоа мураббийи бўлиш учун пора берган
23 фев 18:50
Янгиликлар

«Эвертон» собиқ футболчиси умрининг охиригача қамоқда ўтиради. У терма жамоа мураббийи бўлиш учун пора берган

«Эвертон» клуби собиқ футболчиси Ли Тега Хитойда бир умрлик қамоқ жазоси тайинланди.

Фаолияти давомида «Эвертон», «Шеффилд Юнайтед» ва Хитой клубларида ўйнаган, 2019-2021 йилларда Хитой бош мураббийи бўлган. Хитой терма жамоаси ЖЧ-2022га чиқиш имконияти йўқотилгач ишдан бўшатилганди.

2022 йил ноябрь ойида Ли Те Хитой футболидаги йирик коррупцион текширувдан кейин қўлга олинганди.

Сўроқ вақтида у бир неча бор пора берганини тан олди – Хитой бош мураббийи бўлиш учун ҳам пул берганини маълум қилди. 2018 йилда Ли Те миллий терма жамоани бошқариш учун 3 миллион юань (тахминан 422 минг доллар) пул берган. Бундан ташқари Хитой иккинчи дивизионида келишилган ўйинларга алоқадор экан.

Бугун Ли Те коррупция учун бир умрга қамоққа ҳукм қилинди. Хитой футбол Федерацияси собиқ раҳбари эса 15 йил қамоқда ўтиради.