UZ

Сўнгги янгиликлар

00:45Ольмо Клублар ўртасидаги ЖЧ ҳақида: "Мавсумга тўлақонли тайёргарлик кўраётганимиздан хурсандмиз"  0 00:35Фарҳод Нишонов: "Кубок ўйинларида янада узоқроқ боришни мақсад қилгандик"  0 00:22Ҳаким Фузайлов: "Бугунги мағлубият учун ҳамма айбни ўзимга оламан"  0 00:00Суперлига. "Динамо" мухлислари кўз ўнгида "Нефтчи"га ютқазди  0 23:50Сергей Лушчан: "Кубок ўйинларида футболчиларга қўшимча мотивация керак"  2 23:28Вадим Абрамов: "Бугун жамоам жуда оғир ўйнади"  8 23:06Брайан Риаскос: "Суперлига – бир қараганда осон, аммо аслида жуда мураккаб турнир"  2 22:59Виталий Левченко: "Динамо"нинг турнир жадвалида биздан юқори эканлиги футболчиларга қўшимча мотивация берди"  4 22:25Осиё Кубоги саралаши. Ўзбекистон аёллар терма жамоаси Лаос дарвозасига еттита жавобсиз тўп киритди  6 22:19"Милан" 20 млн евродан зиёдга Италия термаси футболчисини сотиб олади  1 22:14Ўзбекистон кубоги. Чорак финалнинг барча иштирокчилари аниқ!  2 21:58Суперлига. "Нефтчи" қолдирилган ўйинда "Динамо"ни ишончли ҳисобда ютиб, 3-ўринга кўтарилиб олди  53 21:55Ўзбекистон Кубоги. "Пахтакор" ва "Навбаҳор" ўз рақибларини мағлубиятга учратиб, чорак финалга йўл олишди  24 21:10Расман: "Атлетико" Баэнани "Вильярреал"дан 45+5 миллион еврога сотиб олди  0 20:35Расман: "Челси" 60 миллион фунтлик трансферни амалга оширди  1

Эшитдик-да: "Навбаҳор"ни келаси мавсум ким бошқариши маълум?! Янгиликлар

Эшитдик-да: "Навбаҳор"ни келаси мавсум ким бошқариши маълум?!

Эшитимизга қараганда, Наманганнинг "Навбаҳор" жамоаси келаси мавсум учун режаларни тузмоқда.

Клуб раҳбарияти жамоанинг жорий мавсумдаги иштирокидан қониқиш хосил қилмаяпти ва қўйилган вазифаларни уддалай олмаётган мураббийлар штабининг ишини қайта кўриб чиқишни мақсад қилган.

Катта эҳтимол айни пайтда жамоа бош мураббийи сифатида ишлаётган россиялик мутахассис Андрей Канчельскис учун бўлажак ўйинлар охирги имкониятга айланиши мумкин. Агарда эҳтимолий истеъфо руй берса, жамоани йил сўнггига қадар яқинда "Навбаҳор"га келган ёрдамчи мураббий Нўъмон Ҳасанов бошқариб туриши айтилмоқда. Шунингдек, Канчельскис билан шартнома ва товон пули кўрсатилгани боис, клуб Канчельскисга бошқа лавозим таклиф этиши ҳам мумкин. Яъни, клуб Канчельскисдан бош мураббийлик ваколатини олиб қўйиб, шартнома шартларини бажаришда давом этиши мумкин.

Эслатиб ўтамиз, "Навбаҳор" раҳбарияти мавсум аввалида жамоа олдига юқори мақсадлар қўйилгани ва наманганликлар камида ОЧЛ йўлланмаси учун курашишларини таъкидлаганди. Лекин жамоанинг ҳозирги эгаллаб турган ўрни клуб раҳбариятини асло қониқтирмаяпти.

Шу боис раҳбарият келаси мавсумда жамоа рулига "Навбаҳор"нинг собиқ мураббийи Илҳом Мўминжоновни қайтармоқчи. Эшитишимизга қараганда, Мўминжонов клуб раҳбарияти билан музокаралар ўтказган ва оғзаки келишув амалга ошган.

Хабарингиз бор, футболдан маълум вақт четлатилган Илҳом Мўминжоновнинг дисквалификацияси йил сўнггида ниҳоясига етади ва келаси мавсумдан яна ишлаш имкониятига эга бўлади. "Навбаҳор" раҳбарияти жамоанинг муваффақиятсизлигини айнан Илҳом Мўминжоновни рулга қайтариш орқали тўҳтатмоқчи.

Маълумот учун: "Навбаҳор" Суперлиганинг 15-туридан кейин 20 очко тўплаган ҳолда мусобақа жадвалида 7-ўринда бормоқда. "Навбаҳор"нинг ғалабасиз серияси 6 ўйинга чўзилган. Жамоа сўнгги бор 13 июль куни "Қизилқум"ни мағлуб этганди.

Рейтинг: +10   

Фикрлар

championat.asia
< сўнгги янгиликларни кўриш
Яндекс.Метрика