Охирги пайтларда кетма-кет дуранглар гирдобига тушиб қолган Самарқанднинг "Динамо" жамоасида йўқотиш бор. "Championat.asia" олган маълумотга кўра, Абрамов жамоасини ҳужумкор ярим ҳимоячи Ҳусниддин Ғофуров тарк этган. Футболчи шу мавсум аввалида самарқандликлар таркибига келиб қўшилган ва шартномаси мавсум сўнггига қадар мўлжалланган эди. Шартнома икки томонлама келишувга кўра бекор қилинган.
Эслатиб ўтамиз, Ғофуров "Динамо" таркибида жорий мавсум барча мусобақаларда 6та ўйин ўтказган.
