Эшитдик-да! АГМК "Насаф"нинг 3 нафар етакчисига қизиқмоқда
07 ноя 2022 11:30
Янгиликлар

Эшитдик-да! АГМК "Насаф"нинг 3 нафар етакчисига қизиқмоқда

Суперлига клублари жорий чемпионатимиз якунланиши арафасида кейинги мавсум учун таркибни шакллантириш ҳаракатларини бошлаб юборишган.

Миржалол Қосимов бошчилигидаги АГМК жамоаси Ўзбекистон кубоги ғолиблигини қўлга киритган Қаршининг "Насаф" клуби етакчиларига қизиқиш билдирмоқда. Олмалиқликлар "Насаф"нинг марказий ҳимоячиси Ҳусниддин Алиқулов, чап қанот ҳимоячиси Шерзод Насруллаев ҳамда вингер Ойбек Бозоровларга қизиқмоқда. Воқеалар ривожини вақт кўрсатади.

Жорий мавсум Суперлигада Бозоров 6та гол урди ва 2та голли пас берди. Алиқулов 2та гол + 3та пас, Насруллаев эса 1та пас берган.