Эрон терма жамоаси октябрь ойида яна Тошкентга келадими?
08 сен 2018 14:05
Янгиликлар

Эрон терма жамоаси октябрь ойида яна Тошкентга келадими?

Теглар : Эрон CAFA

Хабарингиз бор, 11 сентябрь куни Ўзбекистон терма жамоаси Тошкентда Эрон билан ўртоқлик учрашувида майдонга тушади.

Карлуш Кейруш бошчилигидаги жамоа сентябрь ойидаги ФИФА кунларида фақат биз билан учрашув ўтказади.

Эрон терма жамоасининг wikipedia.org сайтидаги саҳифасига ташриф буюрганимизда 8-16 октябрь кунлари Тошкентда бўлиб ўтадиган CAFA Championship мусобақасида иштирок этиши қайд этилган.

Бу маълуотни текшириш мақсадида CAFA бош котиби Санжар Ризаев билан боғландик.

"CAFA октябрь ойида Тошкентда мусобақа ўтказишни режалаштираётгани бор гап. Фақат бу эркаклар эмас аёллар ўртасидаги мусобақа бўлиши кутилмоқда. Ҳозирча мусобақани ўтказишнинг молиявий масалалари ҳал қилинмоқда, агар барчаси ижобий тугаса октябрь ойининг иккинчи ярмида Ўзбекистонда аёллар ўртасидаги мусобақа бўлиб ўтади", - дейди Санжар Ризаев.

Демак, Эрон эркаклар терма жамоаси октябрь ойида Тошкентга келмайди. Wikipedia сайтидаги маълумот нотўғри эканлиги ойдинлашади.

Эслатиб ўтамиз, Ўзбекистон терма жамоаси октябрь ойидаги ФИФА кунлари вақтида КХДР ва Қатар терма жамоалари билан Тошкентда ўртоқлик учрашувлари ўтказади.