Эрон ҳукумати Али Дайини ўлим жазосига ҳукм қилди

"report.az" хабарига кўра, собиқ футболчи мамлакатда Махси Аминининг ўлимига қарши намойишларда қатнашишда айбланмоқда. Али Дайидан ташқари яна 15 минг киши қамоққа олинган.

Октябрь ойи бошида у Сагтиз шаҳрида ташкиллаштирилган намойишларда қатнашгани учун хибсга олинган ва қамоққа жўнатилганди.

У ўйнаган "Бавария" клуби расмий сайтида Али Дайининг тақдирига бефарқ эмаслигини маълум қилган: "Биз Эроннинг Германиядаги элчихонаси билан боғландик. Бу савол бизнинг ҳам диққатимиз марказида бўлади".

Сентябрь ойи бошларида 22 ёшли Махси Амини полиция томонидан хибсга олинганди. Шундан кейин Теҳронда намойишлар бошланиб кетган ва мамлакат ижтимоий тармоқларга чекловлар қўйганди. Маҳаллий матбуот хабарига кўра, 185 киши намойишлар давомида ҳалок бўлган.