Eron futbol federatsiyasi rahbari Mehdi Taj OAV vakillari bilan suhbatda ichki chempionat o'yinlarida VAR yo'lga qo'yilishi haqida aytib o'tdi.
Bunga "Persepolis" ishtirokidagi oxirgi o'yinlarda hakamlar tomonidan yo'l qo'yilgan xatolar sabab bo'lgan ekan. Federatsiya rahbari bu borada shunday dedi: "Hozircha biz VARni to'rtta stadionda sinab ko'ramiz: Tehrondagi "Ozodi", Isfahondagi "Naqshe jahan", Ahvazdagi "Fulad Arena" hamda Mashhaddagi "Imom Reza". O'ylaymanki, shundan keyin hakamlarning xatosi kamayadi".
