Эркин Бойдуллаев "Насаф"га қайтишни маъқул деб топди
13 янв 2015 15:48
Янгиликлар

Эркин Бойдуллаев "Насаф"га қайтишни маъқул деб топди

Янги мавсумга тайёргарликни Тошкентнинг "Пахтакор" жамоаси билан бошлаган Эркин Бойдуллаев "шерлар" лагерини тарк этди.

"Насаф" сафида 2011 йилдан бери ҳаракат қилиб келаётган Эркин Бойдуллаевнинг ўтган мавсумда жамоа билан тузган шартномаси ўз ниҳоясига етган эди.

Футболчи бир муддат Тошкентнинг "Пахтакор" жамоаси билан шуғулланди. Бироқ Эркин Бойдуллаев якунда "Насаф"га жамоасига қайтишга қарор қилди. Самарқандлик футболчи бугундан эътиборан "аждарлар" сафига қайтди ва "Насаф" билан машғулотларни давом эттирмоқда.

Эркин Бойдуллаевга шунингдек Эронинг "Фулад" жамоаси ҳам жиддий қизиқиш билдирган эди. Бироқ Бойдуллаев "Насаф"ни тарк этишни истамади.

Яқин орада клуб футболчи билан расман янги шартнома имзолайди.

Ҳавола :

Манба : championat.asia

Янгиликларни Телеграмда ўқинг!

Рейтинг: