Эрик тен Хаг: "Биз жамоани қайта қуряпмиз"

Дастлабки 3 турдан кейин манкунианликлар 3 очко тўплаган ҳолда 14-ўринни эгаллаб турибди.

"Биз жамоани қайта қуриш жараёнидамиз. Жамоада ёш футболчилар кўп, уларни ҳали тарбиялаш керак. Шунингдек, жароҳатланганларнинг қайтишини ҳам кутишимиз лозим. Шундан кейин воқеликларни кузатамиз. Жамоа ҳар ўйинда ғалаба қозониши керак, буни яхши биламан, жамоа ҳам билади. Биз ҳар бир ўйинда ғалаба учун майдонга тушяпмиз.

Май ойида қаерда бўлишимизни кўрамиз. Ҳозир гапириш учун жуда эрта, мақсадимиз - совринлар ютиш, лигада имкони борича тепароқда бўлиш, ҳар бир ўйинда ғолиб бўлиш учун боримизни бериш. Албатта, натижалар ҳеч кимни хурсанд қилмаяпти. Лекин футболчилар жараённи тўлақонли тушуниб туришибди. Биз яхши ўйин кўрсатяпмиз ва ишларни яхшилаб, олдинга ҳаракатлана оламиз", - деди тен Хаг.