Эрик Абидаль Факкетти номидаги совринга эга бўлди

Бу соврин футбол ичидаги мардонавор ҳаракатларни амалга оширганларга берилади. "L`Equipe" нашрининг хабарига кўра футболчи жигаридаги оғир ҳасталикдан сўнг яна футболга қайтгани учун бу совринни олган.

 – Спортда кўп нарса ўрганасиз: иштирок, куч ва ирода – бу ҳаёт мактаби. Футбол жамоатчилигидан катта руҳий далда олдим, бу менинг оилам эканига ишондим. Фаолиятимни тугатаманми? Бу саволни ўзимга берганим йўқ. Ҳозир кучим бор экан ўйнайвераман. "Монако" ва Клаудио Раньерига раҳмат. Улар менга имкон беришди, - дейди Абидаль.