Шанба кунги барча ўйинларда камида 3та гол урилди.

Тур "Уотфорд" ҳамда "Эвертон" ўртасидаги баҳс (3:2) билан бошланди. Иккала клуб ҳам ғалаба учун борини бериб ҳаракат қилди, аммо мезбонларга омад кулиб боқди. Окака Чука ва Ромелу Лукаку дублга эришди, ҳимоячи Себастьян Продль эса ўз ҳисобига битта гол ёздириб қўйди.

"Халл Сити" - "Вест Бромвич" учрашувида (3:3) ҳақиқий триллер бўлди. 6 та голнинг 3 таси 70 ва 80-дақиқалар орасида урилди. Мезбонлардан Снодграсс, Диоманде ва Ливермор ўз ҳисобига гол ёздириб қўйди, меҳмонлардан эса Бентеке, Заа ва Кэмпбелл.

"Суонси" ўз майдонида "Сандерленд"ни 3:0 ҳисобида таслим этди. Сигурдссон ва Льоренте (дубль) таблога ўз исмини ёздирди. Дэвид Мойес жамоаси ўйинида яна пасайиш кузатилмоқда.

Чемпионлик учун курашаётган "Арсенал" жуда яхши формада. "Тўпчилар" "Сток Сити"га қарши баҳсда рақибни ишончли ҳисобда (3:1) мағлубиятга учратди. Учрашувдаги ҳисобни меҳмон жамоа вакили Чарли Адам очди, аммо Венгер шогирдлари биринчи бўлим охирида Уолкотт голи эвазига таймни дуранг билан якунлади. Иккинчи бўлимда Озил ва Ивоби киритган голлар жамоага навбатдаги ғалабани тақдим этди.

"Бёрнли" ўз майдонида "Борнмут"дан устун келди (3:2). Мезбонлар сафида Хендрик, Уорд ва Бойд гол урди, "олчалар"дан эса Афобе ва Дэниелс.

Турнинг энг кутилмаган натижаси "Лестер Сити" - "Манчестер Сити" баҳсида қайд этилди. Премьер-лиганинг амалдаги чемпиони турнир ғолиблиги учун асосий даъвогарлардан бўлган Хосеп Гвардиола жамоасини таслим этди. Вардининг хет-триги "тулкилар"га 3 очко олиб келди. Кинг ҳам ўз ҳисобига гол ёзиб қўйди. "Шаҳарликлар" сафида Коларов ва Нолито гол урди.

"Челси" "Стэмфорд Бриж"да "Вест Бромвич"ни қабул қилди. Меҳмонларнинг "автобуси"ни Диего Коста ёриб ўтди. У учрашувдаги ягона голга муаллифлик қилди.

"Саутгемптон" ва "Мидлсбро" баҳсида кичик ҳисоб қайд этилди. Софиан Буфалнинг ягона голи "авлиёлар"га ғалаба олиб келди.

"Манчестер Юнайтед" ҳамда "Тоттенхэм" ўртасидаги турнинг марказий баҳсида манкунианлар ғолиб бўлди. Аста-секин формага кириб бораётган Мхитарян бу учрашувдаги ягона голга муаллифлик қилди, аммо у жароҳат туфайли ўйинни якунлай олмади.

15-тур "Ливерпуль" - "Вест Хэм" баҳси билан якунлади (2:2). Лаллана, Ориги, Пайет ва Антониоларнинг голлари учрашув дуранг билан якунланишини тъаминлади ва Биличга яна бир ўйин ўтказиш имконияти берилди.

Eplmanager фэнтези-футбол турнирида "Rascal FC" (Индонезия) 105 очко тўплаб, турнинг энг яхшифойдаланувчиси бўлди.

Ушбу фэнтези-футбол ўйинида навбатдаги совринли лига, Jet Black якунланди ва икки ўзбекистонлик қимматбаҳо совринлар эгасига айланди.

1. fc Bale Ronaldo (Ўзбекистон) 293 очко

2. DHEWWA10 FC 292 (Индонезия)

3. Sarvar 7570 284 (Ўзбекистон)

Турнинг энг яхши футболчилари:

1. Jamie Vardy(LEI) 17 points

2. Wilfried Zaha (CRY) 13 points

3. Gylfi Sigurdsson (SWA) 11 points

4. Romelu Lukaku (EVE) 10 points

5. Fernando Llorente (SWA) 10 points

6. Stefano Okaka (WAT) 10 points

Турда энг кўп супер-сардор сифатида танланганлар:

1. Alexis Sánchez

2. Eden Hazard

3. Diego Costa

4. Mesut Özil

5. Sadio Mané

6. Zlatan Ibrahimovic

7. Ben Foster

8. David de Gea

9. Roberto Firmino

10. Harry Kane

EPL Manager: 15-тур шарҳи