UZ

Сўнгги янгиликлар

11:50Эдерсон миш-мишларга чек қўйди  0 11:23Челестини Файзуллаевнинг ЦСКАдаги тақдирини ҳал қилади  3 10:56“Ливерпуль“ Англия терма жамоаси ҳимоячиси борасида музокараларни бошлади  2 10:30Германия МТЖ ҳужумчиси фаолиятини “Бавария“да давом эттиришига яқин  0 10:06“Реал“ етакчиси операциядан сўнг қанча муддат футбол ўйнамаслиги маълум  17 09:40Тео Эрнандес “Ал Ҳилол“да қанча даромад қилиши маълум  1 09:18“Арсенал“ “Тоттенхэм“ қизиқаётган футболчини “илиб кетмоқчи“  0 08:52Янги келишувга кўра Роналдунинг “Ал Насср“даги маоши маълум  29 08:27Шомуродов келажаги борасида бир қарорга келди  17 08:02Клублар ўртасидаги ЖЧ. "Реал" ва "Ал Ҳилол" кейинги босқичга йўл олди  8 07:30Суперлига. Қаршида турнинг марказий учрашуви бўлиб ўтади  23 01:57Клублар ўртасидаги ЖЧ. "Манчестер Сити" "Ювентус"ни "янчиб ташлади"  39 01:24"Арсенал" Родригога альтернатив топиб қўйди  0 00:35Суперлига. "Андижон"дан сафарда камбэк!  1 00:27"Ливерпуль" футболчиси учун уч топ-клуб курашади  4

Энг зўр маросим Янгиликлар

Энг зўр маросим

Кеча Осиё Кубоги-2023га старт берилди.

Катар

Акрам Афиф - 45', Альмоэз Али - 56', Акрам Афиф - 90'

Кубок Азии. Группа A . 1-тур

12/01/2024, 21:00

0
:
3
Тугади

Ливан

Стадион: Lusail Stadium, 82490 томошабин

45'
90'
45'  Акрам Афиф
45'  Альмоэз Али
56'  Альмоэз Али
56'  Мохаммед Ваад
57'  Юсуф Абдурисаг (Исмаэль Мохаммад)
57'  Хассан Аль-Хайдос (Мустафа Машааль)
72'  Мохаммед Ваад (Хомам Ахмед)
78'  Альмоэз Али (Ахмед Алаэльдин)
79'  Абдулазиз Хатем (Яссем Абдулсаллам)
86'  Ахмед Алаэльдин
90'  Педро Мигель
90'  Акрам Афиф
51'  Mohamad Haidar
70'  Hassan Maatouk (Hilal El-Helwe)
70'  Waleed Shour (Hasan Srour)
70'  Mohamad Haidar (Omar Bugiel)
80'  Бассель Жради (Gabriel Bitar)
80'  Hasan Srour
87'  Nassar Nassar (Soony Saad)

Қатар ҳамда Ливан терма жамоалари иштирокидаги дастлабки беллашувдан олдин мусобақанинг очилиш маросими бўлиб ўтди. Шубҳасиз, бу мен шахсан қатнашган очилиш маросимлари ичида энг зўри. Қатар тадбирни топ даражада ўтказди. Унда турли қўшиқлар билан бирга асосий урғу театрлаштирилган чиқишга қаратилди. Унда "Калила ва Димна" (ҳинд эпоси)дан парчалар кўрсатилди. Маросимдаги ҳар бир иштирокчининг либослари алоҳида мавзу. Ҳайвонларнинг кийимлари ва бош қисми ҳаётдагидек чиққан, максимал ўхшатилган. Қойил! Маросим жозибали бўлиш билан бирга, унда Фаластинни қўллаб-қувватлашга ҳам катта эътибор қаратилди.

Очилиш маросимидаги либослар дунёга машҳур костюм дизайнер Диана Силерс томонидан яратилган. 67 ёшли Силерс хоним ўз ишининг ҳақиқий устаси эканлигига кеча бутун дунё яна бир бор ишонч ҳосил қилди.

Қирғизистон футбол иттифоқи бош котиби Нурдин Букуев (собиқ футзал ҳаками), ЎФА биринчи вице-президенти Равшан Эрматов ҳамда ЎФА вице-президентиОдил Аҳмедов ҳам кеча "Лусайл" стадионида эди.


Стадионда ОАВ вакиллари учун мўлжалланган медиа трибуна. Унда барча шароитлар яратиб берилган.


Қатар амири Шайх Тамим бин Ҳамад Ал Тани стадионга кириб келганидан сўнг очилишнинг асосий қисми бошланди.


Ливанлик қўшиқчи Абеер Неҳми "Калила ва Димна"даги чўл гули "Танон" ролида чиқиш қилди. Қўшиқчининг либоси ва декорацияни қойиллатишибди.


Қатар очилиш маросими учун каттагина пул сарфлагани кўриниб турибди. Лекин, пулини оқлади)


Ҳайвонларнинг кийими ва бош қисми маскаси максимал реалликка ўхшатилган. Кўзлар ҳам жуда ўхшатилган. Тадбир иштирокчиларининг либослари учун алоҳида меҳр берилгани кўриниб турибди.


Маросимда Қатар амири Шайх Тамим бин Ҳамад Ал Тани (ўртада), ФИФА президенти Жанни Инфантино (чапда) ва ОФК президенти Шайх Салмон (ўнгда) ҳам иштирок этишди.


Қатар термаси сардори Ҳассан Ал Ҳайдос Осиё кубоги қасамёдини қабул қилиш имкониятини Фаластин термаси сардорига топширди 

Қатар очилиш маросимида Фаластин мамлакатини қўллаб-қувватлади. Мусобақа қасамёдини Фаластин сардори Мусаб Ал Баттат миллий либосда қабул қилди. Ваҳоланки, бу ишни одатда мезбон жамоа сардори амалга оширади.

Ажойиб мушакбозлик эса тадбирни янада жозибали бўлишига ҳисса қўшди.


Қатар бир йил олдин Жаҳон чемпионатига мезбонлик қилди. Айнан мундиал тажрибаси уларга қитъа биринчилигини ҳам энг юқори даражада ўтказишга ёрдам бермоқда. ЖЧдаги методикаларни мамлакат ОКда ҳам қўлламоқда. Қатар учун ушбу мусобақада биринчи ўринга хавфсизлик қўйилган. Ҳар бир иштирокчи киши махсус бейжикларсиз керакли жойга кира олмайди. Футболчилар ва терма жамоа вакилларининг хавфсизлигига ҳам катта эътибор қаратилмоқда. Ҳар бир жамоага икки нафардан хавфсизлик офицерлари бириктирилган. Ҳар бир жараён айнан хавфсизликка масъул инсонлар орқали амалга оширилади. Бу нарса ЖЧда ҳам қўлланган. Хуллас, мундиалдаги жуда катта тажриба Қатар мамлакатига қўл келмоқда. Ташкилотчилик борасида олдинги барча қитъа биринчиликлари ортда қолдирилмоқда, назаримда.

Бугун Ўзбекистон терма жамоаси ҳам Осиё Кубогидаги юришини бошлайди. Футболчиларимизга Сурияга қарши учрашувда омад ва зафар тилаб қоламиз. Стадиондан қайноқ суратлар ва лавҳаларни кутинг. Энг яхшиларини сизга илинамиз.

Муаллиф : Tolibjon Qosimov
Рейтинг: +9   

Фикрлар

championat.asia
< сўнгги янгиликларни кўриш
Яндекс.Метрика