Элдор Шомуродов: “Ҳозир жуда ҳам тиғиз жадвал тўғри келиб қолган”
26 окт 2016 13:41
Янгиликлар

Элдор Шомуродов: “Ҳозир жуда ҳам тиғиз жадвал тўғри келиб қолган”

Кеча Ўзбекистон кубоги ярим финал дастлабки учрашуви бўлиб ўтди. Ушбу баҳсда “Локомотив” жамоаси ўз уйида “Бунёдкор” клублини қабул қилиб (1:0) ҳисобида ғалаба қозонди.

Учрашувдан сўнг “Бунёдкор” жамоаси футболчиси Элдор Шомуродов ўз фикрларини билдирди.

“Ҳозир жуда ҳам тиғиз жадвал тўғри келиб қолган. Шунинг учун ҳам бизда бироз чарчоқ бор эди. Ҳимоядаги хато туфайли ўз дарвозамиздан тўп олиб чиқдик. Кубок баҳси иккита ўйиндан иборат бўлганлиги сабабли илк учрашувда кўпроқ ҳимояга эътибор қаратилади. Жавоб баҳсида эса кўпроқ гол уриш керак бўлади. Ушбу мағлубиятни эсдан чиқариб кейинги ўйинларга жиддий эътибор қаратиш керак. Олдимизда чемпионлик масаласи турибди”, - дейди “Бунёдкор” клуби футболчиси Элдор Шомуродов.

Жаҳонгир Сотволдиев.

Ҳавола :

Манба : championat.asia

Янгиликларни Телеграмда ўқинг!

Рейтинг: +5