UZ

Сўнгги янгиликлар

15:14"Бетис" Конференциялар Лигаси финалидан олдин ҳазил тариқасида логотипини ўзгартирди  0 14:49Сергей Чигодаев: "CAFA турнирида барча футболчиларга имконият беришга ҳаракат қиламиз"  2 14:29Расман: "Реал" Анчелотти кетаётганини эълон қилди  15 14:17Ўзбекистонлик ҳакам аёллар футболи бўйича ОЧЛ финалида ишлайди  0 13:59Саудия Арабистони клуби Осимхен билан музокаралар олиб бормоқда  1 13:32"Интер" МЮ ҳужумчисини харид қилмоқчи  2 13:03"Манчестер Юнайтед"нинг ёзги трансфер бюджети қисқартирилди  7 12:36Рафинья: "Умид қиламанки, мухлисларни хурсанд қилишда давом этаман"  12 12:08Артета "Арсенал"нинг амбициялари ҳақида гапирди  1 11:40Руд ван Нистелрой "Лестер"ни тарк этади  0 11:14CAFA U17 Championship 2025 мусобақасига қуръа ташланди. Ўзбекистон Эрон билан бир гуруҳда  7 10:56Эрик тен Хаг катта футболга қайтишга яқин  3 10:30Раулга Европанинг учта жамоасидан таклиф бор  4 10:02“Арсенал“ ҳужумчисига Саудия жамоаси таклиф билан чиқди  4 09:51Денис Коростиченко: "Ўзбекистон U-16 терма жамоасига ёрдамим керак бўлган барча жабҳада кўмаклашишга тайёрман. "Локомотив" - "Олимпик" ўйинида ...га мухлислик қилдим"  1

Элдор Сакаев: "Мағлубиятга мураббий жавоб беради" Янгиликлар

Элдор Сакаев: "Мағлубиятга мураббий жавоб беради"

Ўзбекистон Coca-Cola кубоги 4-туридан ўрин олган "Машъал" - "Янгиер" (2:0) учрашувидан сўнг меҳмонлар бош мураббийи Элдор Сакаев журналистлар саволларига жавоб қайтарди.





Ўйин ҳақида

- Ютқазгандан кейин ўйинга тайёрланган режа иш бермаган ҳисобланади. Биринчи голни рақибга бўш худудлар учун имкон яратиб берганимиз учун ўтказиб юбордик. Иккинчи гол эса ҳимоядаги тартибсиз эвазига юзага келди. Камчиликларимиз бор экан, машғулотларда янада кўпроқ ишлаймиз. Бугунги ўйинга фақат ғалаба учун келгандик. Айтиб ўтганимдек, рақибга бўш худудларни яратиб берганимиз эвазига мағлуб бўлдик. Индивидуал хатолар кўп бўлди. Жамоа ютқаздими, натижага мураббий жавоб беради.

- Учрашувнинг дастлабки қисмида жароҳат олиб майдонни тарк этган легионер футболчи яқиндагина сафга қайтган экан. У жароҳатидан тўлиқ фориғ бўлмагунча ўрнига бошқа футболчини туширган маъқул эмасмиди?


- У футболчи 22 кун давомида даволаниб сафга қайтган. Жароҳатидан тузалиб умумий гуруҳ машғулотларида ишлаётган эди. Биз уни ўйинга тайёр бўлгани учун майдонга туширдик. Футбол осон ўйин эмас, бу спорт турида кутилмаган холатлар ҳам бўлиши мумкин.

- Жамоангиздаги легионерларнинг ҳаракатларидан қанчалик қониқаяпсиз? Таркиб жиҳатдан келиб чиқиб жамоа олдига қандай вазифалар қўйилган?


- Таркибимизда легионер футболчилар бор. Баҳона эмаску лекин янги жамоани шакллантиришга маълум муддат вақт зарур бўлади. Ҳозир айтдик, бир легионеримиз 22 кун давомида даволанди. Бу чемпионат ўйинлари бошланган вақтда катта муддат ҳисобланади. Легионер футболчилар менталитетга ўзларини эркин ҳис қилишлари учун ҳам мослашишлари керак. Яна бир легионеримиз оилавий масалалар туфайли машғулотларни ўтказиб юборди. Инсонда турли даражада муаммолар бўлиб туради. Ишлашда давом этамиз.

- Учрашув давомида бош ҳакам томонидан огоҳлантирилдингиз. Демак, ҳакамлар қароридан норозимисиз?


- Ўша вазиятда мен ҳақ эдим. Буни кейинчалик ҳам ҳакамлар билан суҳбатда айтдим. Лекин мен томонимдан билдирилган фикрлар ҳакамлар манзилига эмасди. Футбол бу шахмат эмас. Бу спорт турида жароҳатлар ҳам учраб туради. Буни тушуниш ва ҳис қилиш керак.

Умуман айтганда Суперлига жамоаси билан бугун ёмон ўйнаганимиз йўқ, йигитлар майдонда ёмон ҳаракат қилишмади. Кубок учрашувлари бизга тажриба тўплашга имкон яратди. Энди бор эътиборни чемпионат ўйинларига қаратамиз.

Рейтинг: +1   

Фикрлар

championat.asia
< сўнгги янгиликларни кўриш
Яндекс.Метрика