UZ

Сўнгги янгиликлар

22:14ЕЛ. "Аякс", "Севилья" ва бошқа жамоаларнинг асосий таркиблари маълум  0 22:06ЕЛ. МЮ ва "Интер"нинг бошланғич таркиби билан танишинг  5 21:55Каземиро: “Вальверде ҳақидаги фикрим нотўғри бўлган экан”  1 21:46Уммон чемпионатида 3та ўйинда 3та гол урган ўзбекистонлик ҳужумчи билан суҳбат  4 21:15Бундеслига. 23-тур баҳслари бир дақиқалик сукут билан бошланади  2 21:00“Барса”нинг янги форварди кучли жиҳатлари, олдига қўйган мақсади ва кўплаб голлар урмоқчилигини айтди  7 20:50“Лион” устози: “Роналдуни қандай тўхтатиш мумкин? Унинг ўзи биз билан ўйнашдан воз кечади”  13 20:28АГМК назорат ўйинида йирик ғалабага эришди  7 20:20Ривалдо: “Барса” нега уни сотиб олди. нега?”  21 18:48Адама Траоре: "Менда "Реал"га ўтишда муаммоалар бўлмайди"  20 18:30ЕЧЛ. Ҳафта рамзий жамоаси эълон қилинди  19 18:13"Ал Садд" етакчиси уч ойга сафдан чиқди  1 18:09"Ювентус" Погба учун 50-60 миллиондан ташқари яна бир ўйинчиси ҳам қўшиб бермоқчи  5 18:03"Бунёдкор" назорат учрашувида "Қўқон-1912"га мағлуб бўлди  10 17:58"Ал Айн" бош мураббийи: "Биз шокдамиз"  12

Эктор Купер: "Ҳали олдинда ўйинлар кўп ва вазиятни ўнглай оламиз" Янгиликлар

Эктор Купер: "Ҳали олдинда ўйинлар кўп ва вазиятни ўнглай оламиз"

Сал аввал якунига етган Фаластин - Ўзбекистон баҳсидан сўнг матбуот анжумани ташкил этилди.

Ўзбекистон терма жамоаси ЖЧ саралаш босқичидаги илк учрашувни 0:2 ҳисобидаги мағлубият билан бошлади. Терма жамоамиз бош мураббийи Эктор Купер ўйиндан кейинги матбуот анжуманида қуйидаги фикрларни билдирди. 

- Мен жуда ғазабдаман. Футболчилардан бундай ўйин кутмагандим. Ўтказиб юборилган биринчи голга қадар яхши ўйнаётгандик. Лекин биринчи голдан кейин ҳаммаси ўзгариб кетди. Футболчилар ўйинга эътиборни йўқотиб қўйишди. Ҳимояда хатолар юзага келди. Вазиятни ўзгартириш учун захирадан футболчилар ўйинга қўшилди, иккинчи ҳужумчини майдонга туширдик. Лекин бу ҳам ёрдам бермади. Шуни айтишим керак, саралаш босқичи энди бошланди ва биринчи ўйиндан кейиноқ якуний хулосани бериш қийин. Ҳали олдинда ўйинлар кўп ва вазиятни ўнглай оламиз. 


- Бугун жуда бир аламли мағлубият бўлди. Осиё Кубогида Туркманистонга қарши баҳсни ҳисобга олмаганда терма жамоамиз қачон чиройли ўйин кўрсатганини эслаш қийин. Ўзбекистон терма жамоаси учун ҳаммаси кеч бўлмасидан истеъфога чиқиш пайти келмадими? (Сайтимиз мухбири Толибжон Қосимов саволи) 

- Сиз биринчи ўйиндан кейиноқ истеъфо сўраяпсизми? Мен буни нормал ҳолат деб ҳисобламайман. Чунки биз энди саралашда биринчи ўйинни ўтказдик. Ҳеч қаерда дастлабки мағлубиятдан кейиноқ мураббий ишдан бўшатилмайди. 


- Фаластин терма жамоаси кўрсатган ўйин ҳақида дея оласиз? Бизнинг терма жамоа қанчалик узоққа бора олади? 

- Аввало Фаластин терма жамоасини ғалаба билан табриклайман. Жамоангиз бугун ҳақиқатан яхши ўйин кўрсатди. Лекин мен дарҳол бу жамоа ҳақида тайинли гап айтмаган бўлардим, чунки олдинда ўйинлар кўп ва вазият ўзгариб кетиши мумкин. Кейинги босқичга чиқиш учун ҳар икки жамоада имконият бор. 


- Жамоангиз бугун жиддий мағлубиятни қабул қилиб олди. Лекин олдинда ҳали Саудия Арабистонига қарши ўйинлар бор. Фаластиндан ҳам кучли жамоага қарши имкониятларни қандай баҳолайсиз? 

- Мен кеча айтгандим: илк ўйинни ғалаба билан бошлаш жуда зарур деб. Аммо бугун бунинг акси бўлди. Бошидан хато бўлди ва бундай бўлишини ҳеч ким кутмаганди. Вазифамиз мағлубиятдан тегишли хулоса чиқарган ҳолда кейинги беллашувларга ҳозирлик кўриш. 


- Қувондиқ Рўзиев билан Икром Алибоевни Санжар Шоаҳмедов билан Достон Ҳамдамовга алмаштирилишини хато деб ҳисоблайсизми? (Сайтимиз раҳбари Гайрат Хасбиулин саволи) 

- Биз нима учун алмаштиришларни амалга орширдик? Чунки Қувондиқ Рўзиев толиқиб қолганди. Икром Алибоев ҳақида ҳам шундай деса бўлади. Яна шуни айтишим керак, бу мағлубиятдан кўп ҳам фожеа ясаш керак эмас. Битта ғалаба ҳаммасини ювиб кетади. Шу боис ҳаммани сабрли бўлишга чақираман. Саралаш баҳслари якунига етгунча кутишимиз керак, шундан сўнггина натижа кўзга ташланади.

- Терма жамоамиз кўрсатган ўйин сиз учун уятли эмасми? (Сайтимиз раҳбари Гайрат Хасбиулин саволи)

- Мен буни уятли демаган бўлардим. Чунки майдонга тушган футболчилар барибир ўзларини кўрсатишга ҳаракат қилишди. Ўйинимиз қанчалик уятли ёки яхшилигини саралаш босқичининг охирида эгаллаган ўрнимизга қараб кўрамиз.

Рейтинг: -290   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг