Эксперт минбари: Андрей Фёдоров Японияга қарши ўйиндан нима кутаётганини айтди

"Японияга қарши учрашувда Ўзбекистон терма жамоасидан чиройли ўйин ва ижобий натижа кутамиз. Гуруҳда биринчи ўринни берадиган натижага эришиш керак. Уммон билан баҳсда мусобақа энди бошлангани сезилиб қолганди. Туркманистон билан учрашувда эса тезкор голлар уриб олдик ва яхши ўйин кўрсатдик.

Япония доим бизга принципиал рақиб бўлиб келган. Аммо ҳозир иккала жамоа ҳам кейинги босқчига чиқиб бўлган. Шундай экан босим йўқ ва мураббийлар кўрсатмасига кўра жамоамиз ғалаба қозонади деб умид қиламан.

Япония билан баҳсда Ўзбекистон қандай тактикада ўйнашини айтиш қийин. Сабаби буни бош мураббий ҳал қилади. Рақибни ўрганиб чиқилгач, тактика танланади. Чиройли ўйин кўришни истардим, аммо бундай қисқа мусобақаларда натижа биринчи ўринда туради. Қанчалик узоққа борсак шунчалик яхши", - дейди Андрей Фёдоров.

"Локомотив" матбуот хизмати билан ҳамкорликда тайёрланди