Эден Азарнинг акаси: "Унинг ўрнида бўлганимда фаолиятимни якунлаган бўлардим"

"Айни дамда у ҳеч нима билан шуғулланмаяпти, шу сабабли унинг фаолияти борасида бирор нима дея олмайман. Якуний қарорни унинг ўзи чиқаради.

Айни пайтда у Мадридда, чунки унинг фарзандлари ўша ерда мактабда ўқишади ва у ортиқча шов-шувларни ёқтирмайди. Ҳар куни ҳаётдан завқ оляпти.

У футболни яхши кўради, шу сабабли у "Реал"дан ташқари барча ўйнаган жамоаларида қўлидан келганча меҳнат қилган. Бироқ унинг ўрнида бўлганимда фаолиятимни якунлаган бўлардим. Бундай узоқ ва муваффақиятли фаолиятдан кейин у оиласи билан вақтни ўтказишга лойиқ", - деди Азарнинг акаси Кильян.