Эдегор "Вест Хэм"дан учралган мағлубиятга изоҳ берди

"Бизда вазиятлар кўп бўлди, бир неча гол уриш учун етарли ишлар қилдик. Аммо жарима майдони ичида етарли даражада яхши бўла олмадик. Биз уддалай олмаган ишларимиз устида ишлаймиз. 

Яхшигина вазиятлар яратдик ва имкониятларга эга бўлдик. Жамоа сифатида ўйнаяпмиз. Дарвоза олдидаги ўйинимизни кучайтиришимиз керак. Бу бутун жамоага боғлиқ. 

Мавсумнинг биринчи ярмидан сўнг "Арсенал"нинг натижаси ёмон эмас. Биз ўтган мавсумда кўп нарса ўргандик. Тажриба тўпладик. Умид қиламанки, бундан мавсум охирига қадар фойдалана оламиз", - деди Эдегор.