ЕЧЛ. “Реал” Рамоссиз ўтган сўнгги 8 баҳснинг 7 тасида ютқазди

Eldor Akmurzayev

22 окт 2020, 00:25

Бироз олдин Чемпионлар Лигаси илк туридан ўрин олган “Реал” ҳамда “Шахтёр” ўртасидаги учрашув якунланди ва унда кутилмаганда донецликлар 3:2 ҳисобида зафар қучишди.

Ушбу баҳсни жароҳати боис мадридликлар сардори Серхио Рамос ўтказиб юборди.

Шундай қилиб, “қироллик клуби” Рамоссиз ЕЧЛ доирасида ўтган сўнгги 8 учрашувнинг 7 тасида мағлубиятга учради. Қўшимчасига, "Реал" 1961 йилдан бери илк бор еврокубокларда қаторасига 3 ўйинда ютқазди.

Эслатиб ўтамиз, бугун “Реал” марказий ҳимоясида Рафаэль Варан – Эдер Милитао тандеми ўйнаганди.