UZ

Сўнгги янгиликлар

10:31Суперлига-2024: 3-тур баҳсли вазиятлари юзасидан Эксперт-ҳакамлар комиссияси хулосаси  1 10:04«Жаҳон чемпионатининг саралаш учрашувларига ёш, тажрибасиз ва янги футболчиларни жалб этиб, уларни ўйин услубига мослаштириш учун вақт йўқ, чунки бу жуда мураккаб» - Катанец ОФК расмий сайтига интервю берди  7 09:51Пике «Барселона» бош мураббийлиги учун икки номзодни айтди  1 09:23Англия терма жамоаси Евро-2024 учун либосини тақдим этди  1 09:15Рустам Мирсодиқов 70 ёшда!  1 08:52«Арсенал»нинг яна бир футболчиси термада ўйнашдан бош тортди  4 08:25Стерлинг кечирим сўради  2 07:58«Атлетико»га қарши учрашувда қизил олган Хави нечта ўйинга четлатилиши маълум  0 07:31Про лига. Бугун турнинг марказий учрашуви бўлиб ўтади  8 00:30Киммих фаолиятини "Сити", "Ливерпуль", "Арсенал", "Реал" ёки "Барса"да давом эттирмоқчи  2 23:45Гризманн 2017 йилдан бери илк марта Франция терма жамоаси ўйинларини ўтказиб юборади  5 23:10"Ливерпуль" ҳужумчиси март ойида терма жамоасига ёрдам бера олмайди  0 22:47"Ювентус" катта товон пулидан қўрқиб, Аллегри билан хайрлашмоқчи эмас  3 22:09Ўзбекистон Суперкубогида ишлайдиган ҳакамлар номи эълон қилинди  1 21:29Португалия терма жамоаси Евро-2024да фойдаланадиган либослар намойиш этилди  2

Дунёнинг энг қиммат ярим ҳимоячилари Янгиликлар

Дунёнинг энг қиммат ярим ҳимоячилари

Қуйида дунёнинг энг қиммат ярим ҳимоячилари рўйхатини эътиборингизга ҳавола этамиз.

10. Кристиан Эриксен (25 ёш)
Клуб: “Тоттенхэм”
Фуқаролиги: Дания
Нархи: 70 млн евро

Даниялик ярим ҳимоячи ватанида кетма-кет уч йилдан бери энг яхши футболчи деб эътироф этилмоқда. Англия чемпионатининг 157та ўйинида қатнашиб, 37та гол урган. Бу борада у ҳамкасби, “Арсенал”нинг собиқ ўйинчиси Никлас Бентнерни ҳам ортда қолдириб кетди.


9. Коке (26 ёш)
Клуб: “Атлетико”
Фуқаролиги: Испания
Нархи: 70 млн евро

“Атлетико” ўйинчилари ҳали “юлдуз” бўлмасалар-да, ҳар сафар Чемпионлар Лигасининг финалигача чиқадилар. Коке ўнг қанот, чап қанот ва марказий ярим ҳимояда майдонга тушади. Уни нафақат фулболкасидаги олти рақами учун, балки аниқ ва ўз вақтидаги паслар учун ҳам, мунтазам равишда, Хавига қиёслашади.


8. Сауль (23 ёш)
Клуб: “Атлетико”
Фуқаролиги: Испания
Нархи: 70 млн евро

Сауль “Атлетико”нинг ажойиб ўйинчиси бўлгани учун, балки, “Барселона” хавбекга “ёпишиб олгандир”. Шу сабабли ҳам, мадридликлар у билан шартномани 2026 йилгача узайтиришди. Сауль 16 ёшида “Фулхэм”да ўйнаши мумкин эди. Лекин, ўша пайт у Англияга кетмаганидан хурсанд.


7. Иско (25 ёш)
Клуб: “Реал”
Фуқаролиги: Испания
Нархи: 75 млн евро

Исконинг “Қироллик клуби” билан шартномаси 2022 йилгача амал қилади. Шартномага кўра товон пули — 700 миллион евро. Ҳозир бу ақлбовар қилмас суммадек туюлар, аммо бир неча йил ўтиб, ишлар шу йўсинда кетиб турса, шайхларнинг бири бу нархни янада оширишга ҳам бел боғлар...


6. Тони Кроос (28 ёш)
Клуб: “Реал”
Фуқаролиги: Германия
Нархи: 80 млн евро

Кроос (Роналду билан биргаликда) клублар ўртасидаги Жаҳон Чемпионатида ғолиб чиқиш бўйича рекордчи ҳисобланади. У бу мукофотни тўрт бор ютишга муваффақ бўлган. Хозир “Реал”да оғир вазият бўлишига қарамай, германиялик ўз қадр-қимматини йўқотиб қўймаяпти. Футболчининг сўзларига қараганда, жамоа буёғига чемпионлик эмас, кейинги мавсум учун Чемпионлар Лигаси йўлланмасига эга чиқиш ҳақида ўйлаши зарур.


5. Серхио Бускетс (29 ёш)
Клуб: “Барселона”
Фуқаролиги: Испания
Нархи: 80 млн евро

Бускетс яқиндагина Испания термаси таркибида 100-ўйинини ўтказди. Насиб қилса, ЖЧ-2018да уни ҳам учратишингиз мумкин. Эҳтимол, испаниялик симуляцияга мойиллиги учун, унинг мухлислари бошқаларникига қараганда камроқдир. Аммо, Бускетснинг рақибдан тўпни олиб қўйиши ва “Барселона”нинг ҳужумларига замин яратиши — бу юқори даражадаги футболнинг ёрқин намоёндаси эканидан далолатдир.


4. Деле Алли (21 ёш)
Клуб: “Тоттенхэм”
Фуқаролиги: Англия
Нархи: 80 млн евро

Рўйхатимиздаги энг ёш ярим ҳимоячи Аллининг клуб билан шартномаси 2022 йилда ўз ниҳоясига етишига қарамай, “Тоттенхэм” шартларни янада кўпайтириш пайига тушиб қолди.


3. Филиппе Коутиньо (25 ёш)
Клуб: “Барселона”
Фуқаролиги: Бразилия
Нархи: 90 млн евро

Эҳтимол, Коутиньо тўғрисидаги тинимсиз маълумотлардан зериккандирсиз, аммо 3-ўринни эгалллаб турган бразилиялик ҳақида яна бир бор ўқишингизга тўғри келади. Футболчи январь бошида “Ливерпуль”дан кетганидан хабарингиз бор.
Каталония клубига ўтган ярим ҳимоячи келаси ҳафта дебют қилиши режалаштирилган. Қизиқ, “кўк-анорранглилар” аввалги 4-3-3 схемасига ушбу трансфердан сўнг энди қайтармикан?! Бундан ҳам қизиғи шундаки, Коутиньо янги жамоада ўзини қандай кўрсата оларкан?! “Ливерпуль”да деярли барча ҳужум у орқали қуриларди, Испанияда эса бунинг учун бошқа футболчилар етарли.


2. Поль Погба (24 ёш)
Клуб: “Манчестер Юнайтед”
Фуқаролиги: Франция
Нархи: 90 млн евро

Бу йигит соч турмаги билан кўпчиликдан ажралиб туради. МЮда Погбанинг ўйини “Ювентус”дагига нисбатан секинроқ ўсаётган бўлиши мумкин. Майдонда у яхши ҳаракат қилади. Сўнгги вақтларда у голли пас берадиган бўлса, бир ўйинда бу ишни бир йўла икки бор бажармоқда.


1. Кевин Де Брюйне (26 ёш)
Клуб: “Манчестер Сити”
Фуқаролиги: Бельгия
Нархи: 110 млн евро

Унинг тўп оширишлари — бу Пирло ва Снейдер пасларининг бириктирилган вариантидир. Дастлабки ва охирги юришларни у бажаради. Одатда, бу вазифалар икки ўйинчининг иши. “Сити”да эса белгиялик буларни бир ўзи уддаламоқда. Охирги йил ичида хавбекнинг нархи 50 миллионгача кўтарилди. Қандай қилиб шундай ўйинчи “Челси”га керак бўлмаган экан, қизиқ?!



Нозима Зарипова таржима қилди

Рейтинг: +36   

Фикрлар

championat.asia
< сўнгги янгиликларни кўриш
Яндекс.Метрика