"Дўстлик Тошкент" Шерзод Қодировнинг "Динамо"га ўтиши борасида муносабат билдирди

Эшитдик-да! "Динамо" Про лига тўпурарларидан бирига жиддий қизиқмоқда

Шу муносабат билан "Дўстлик Тошкент" раҳбари Жўрабек Ниғматовдан мазкур ҳолатга ойдинлик киритдик.

"Жамоамизнинг асл мақсади ёшларга имконият берган ҳолда уларни катта жамоаларга йўналтириш. Дебют мавсумимиз ёмон ўтмаяпти деб ўйлайман. Биринчи йил учун керакли тажрибаларни тўплаяпмиз. Кўплаб футболчиларимизга қизиқишлар бўлмоқда , нафақат Суперлига , балки чет ел жамоалардан ҳам. Қодировга келадиган бўлсак, у учун хурсандмиз. Агар терма жамоа бош мураббийи бўлган мутахассисдан таклиф тушса, музокара олиб боришга тайёрмиз. Ҳозирча расмий таклиф тушгани йуқ. Ишонтириб айтаманки, Шерзод исталган Суперлига клубида ўйнаб кета оладиган салоҳиятли йигит, ўсишда давом этса ва МТЖ дан ҳам таклиф тушса, хайрон колмайман.

Истеъдодлар борасида 2025 йилда кўп совғаларимиз бор. Футбол мактабимизда тарбия топаётган футболчилар келаси йили катта имкониятга эга бўладилар. Биз нафақат Суперлига, балки хорижга футболчи тайёрлашни мақсад қиляпмиз ", - дейди Жўрабек Ниғматов.