UZ

Сўнгги янгиликлар

20:58Суперлига. "Локомотив"нинг дурангсиз сериясига чек қўйилди, "Металлург" эса яна ўзи севадиган натижага эришди  7 20:50ОФК кубоги. "Сўғдиёна" "Алтин Аср"ни мағлубиятга учратиб, кейинги босқичга йўлланма олди  49 20:46"Тоттенхэм" "Барселона" ҳимоячисини ижарага олади  0 20:30Суперлига. "Насаф" – "Олимпик" (матнли трансляция)  19 20:30ПСЖнинг асосий трансфер мақсадлари маълум  0 20:12Неймар клубини ўзгартиришга рози  5 19:55Лукаку "Интер"да ўзи учун ноодатий бўлган рақамни олди  0 19:47Беларусь. "Энергетик-БГУ" кубокда кейинги босқичга чиқишига ҳамюртларимиз қандай ёрдам беришди?   1 19:28Эшитдик-да! Диёржон Туропов "Навбаҳор"га ўтмоқда  8 19:14Суперлига. "Насаф" – "Олимпик". Таркиблар маълум  5 18:53ПСЖ "Порту" ўйинчисининг трансфери борасида келишувга эришди  3 18:39Суҳроб Иззатов: "2-давра бошқача бўлади"   3 18:29"Барселона" "Реал" ҳомийси билан 207,5 млн евролик битим имзолади   0 18:24МЮ хавбеки клубга қайтишни хоҳламаяпти  3 18:01"Арсенал" хавбеки клуб сафида ўйнашни хоҳламаслигини айтди  1

Диёр Имомхўжаев "тошбўрон", Кападзе ва Саудия Арабистони ҳақида гапирди Янгиликлар

Диёр Имомхўжаев "тошбўрон", Кападзе ва Саудия Арабистони ҳақида гапирди

23 ёшга бўлган футболчилар ўртасида ўтказилаётган қитъа кубогининг 2-ярим финали ҳам ортда қолди.

Унда Ўзбекистон олимпиячилари Японияни мағлуб қилишди (2:0). Учрашувдан кейин ЎзПФЛ бош директори Диёр Имомхўжаевдан интервью олишга улгурдик.

— Япония барча ёш тоифасидаги турнирларда қитъанинг асосий фаворити ҳисобланади. Уларга қарши шундай ўйнашимизни кутган эндингизми?

— Ҳа, ўтган ўйиндан келиб чиқиб Японияни мағлуб қилишимизга ишонган эди. Чунки жамоада руҳият ошди. Агар Ироқни осонлик билан ютсак, кун чиқар юрт вакилларига қарши бугунги кайфиятда майдонга чиқа олмас эди. Ҳар ёмоннинг бир яхшиси бўлади. Ироқ билан ўйиндаги жуда қийин ғалаба бизнинг фойдамизга ишлади. Шу туфайли бемалол ютишмизга ишонган эдим. Йигитлар мухлислар учун ҳам, оиласи учун ҳам — ҳамма учун ўйнашди. Мен шундан хурсандман. 

Қаранг, агар Ироқни осонлик билан ютсак, оддий воқелик бўлиб қоларди. Ҳозир ўша баҳс ҳам, бугунги ғалаба, мухлисларнинг стадион ташқарисидаги ажойиб перформанси-ю ўз майдонимизда финалга чиқишимиз ҳам тарихий воқеага айланди.

— Мухлислар фақат бир ўйинга четлатилганми?

— Ҳа, финалда томошабинлар стадионга қайтиши мумкин бўлади. "Пахтакор" стадионидаги ўша ўйин 20 йилда кейин ҳам "тошбўрон" воқеаси сифатида эсланса керак. Ўзимизнинг чемпионатда ҳам сўнгги пайтларда шунга ўхшаш ходисалар рўй бера бошлаганди. Бу қанчалик ёмонлиги ОФК тимсолида маълум бўлди.

— Энди финал ҳақида. Саудия Арабистони ёш жиҳатдан биздан каттароқ. Ўша ўйин ҳақида тахминларингиз қандай?

— Фақат ғалаба. Бошқача бўлиши мумкин эмас. Тўғри, саудияликлар чемпион бўлишни жуда хоҳлашмоқда. Шунинг учун плей-офф баҳсларидан бошлаб уларга миллий терма жамоанинг 2 нафар вакили ҳам қўшилди. Ҳа, улар тажрибалироқ. 

Аммо Саудия Арабистонидан ҳам олинмаган аламларимиз бор. Миллий ва олимпия терма жамоаларимиз сўнгги баҳсларда уларга имкониятни бой беришган эди. Шунинг учун характер кўрсатиб, ғалаба қозонишимизга ишонаман. Эсингизда бўлса, 2008 йилда ҳам рақиб биздан кучли эди. Лекин МҲСК стадионидаги аура, мухлислар юзага келтирган муҳит уларни фалаж қилиб қўйган ва 3:0 ҳисобида зафар қучганмиз. Ўша куни Тимур Кападзе ҳам саудияликлар дарвозасига гол урган эди.

— Бунақа ғалабалардан кейин финалдаги эҳтимолий муваффақиятсизлик ҳам енгил қабул қилинса керак...

— Йўқ, мағлуб бўлмасак керак. Ҳозир болаларимиз бир нарсани ҳис қилишлари керак, улар аллақачон қаҳрамонга айланишди. Бу бизга қўшимча мотивация беради.

— Охирги саволим мураббий ҳақида бўлади. Олдинроқ Бабаянда ҳам, Друловичда ҳам кўплаб юлдузлар бор эди. Олимпиячиларимизнинг бугунги таркибига қарасангиз, бир хил даражадаги футболчилар йиғилганига гувоҳ бўласиз. Улар ўзларидан катта ёшдаги рақибларга қарши ўйнашса ҳам, ўйин мазмунли чиқяпти. Биз узоқ вақтдан бери кутаётганимиз кучли маҳаллий мутахассис етишиб чиқяптими?

— Мен Тимур Кападзени футболчилик даврида ҳам, ҳозир ҳам жуда ҳурмат қилганман. Чунки у ўз имзосига эга шахс. Умид Аҳмаджонов даврига терма жамоани кимга топшириш масаласи муҳокама қилинган эди. Мен ўшанда бутсаларини эндигина михга илган Кападзени кўрсатгандим. Унга имкон берилган ва ўша даврда ҳам яхши таассурот қолдирган эди. Унинг футболи қўрқоқ футбол эмас. Кападзе, Бердиев сингари мутахассислар футболимиз учун жуда керак. Бу қачондир Сречко Катанец кетса, бош жамоамиз тақдири ишончли қўлларда қолишини англатади...

Фахриддин суҳбатлашди

U-23 Осиё Кубоги. Энг ёш футболчимиз нима деди? 

Муаллиф : Faxriddin Ro'ziyev
Рейтинг: +52   

Фикрлар

+9   
16 июн 06:27:00
Islombek
Shaxsiy fikrim òsha kuni muhlisla stadionga síĝmasligi fakt va òsha kuniyam kechagidek manitor qòyish kere chunki òsha kuni stadionga kirolmagan muhlisla uyiga qaytib ketishi keremas, nabarot òsha yoda qòshimcha kuch bòlib dalda bòlish kere
+6   
16 июн 04:42:06
Nima Gapla
Ko'rvossilami? Hich qanaqa amerika ochish keremas!
Prosta sifatli futbol bo'ldi! Muxlisla qaytadi stadionlaga!
+5   
16 июн 07:41:44
Zlatan_10
Бугун ғалаба қилган 23 ёшгача футболчилар, 24 ёшда йўқолиб қолишади. Бу кўп бора такрорланган. Мени айтди, дейсизлар.
Йўқолиб қолиш сабабларини топиб, бартараф қилмагунча ҳеч нарса ўзгармайди.

@MubashshirAhmad
+4   
16 июн 13:06:00
Шома.УЗ
Узбекистон U-23 - Япония U-23 2-0.
Кувонарли албатта.Лекин одамни кунглини хира киладмган бошка холат хакида гапириб утмокчиман.Зотан,зеро ушбу эътрозга алокадор масъул,галстук такиб,пурим кийинган шахслар керакли хулосалар чикарса.
Хозир модадан колган "космик кемалар космосга учаётган пайт" иборасини ишлатмаган холда,ИНТЕРНЕТ РИВОЖЛАНГАН АСРда яшаётганимизни,карийиб барча хонадонларга интернет кириб борганини,телекоммуникациялар шиддатли ривожланиб кетётганини яна бир бор эслатиб,шу замонга хос,ортда колмай ривожланишга харакат килишса халк учун айни муддао буларди.
Мен айтмокчи булган масала,кеча юкорида тилга олган уйинни кузатаман деб интернет тармогини мен кирмаган спортга алокадор сайтию,ТВ иловаси колмади,ютубнику гапирмайман.Ушбу уйинни куриш интиги кун давомида хаёлимни тарк этмаганини гапирмасам хам булади.10 дан ортик телеиловаларни юклаб учирдим.Этиборлиси,
БИРОРТАСИДА УЗБЕКИСТОН-ЯПОНИЯ уйинини онлайн трансляцияси чикмади.Хатто баъзи УЗБ ТВ иловаларда ФУТБОЛ ТВ каналини узи йук.Ютубдаку,онлайн эфир ибораси борлигини телевиденияга алокадор мутассаддиларни хабарлари хам булмаса керак.
Гапираман деса гап куп,камчиликлар калашиб ётибди.Илтимосим,мутассади ака-укалар дуппини ечиб куйиб,юкорида келтириб утилган камчиликлар устида бош котирсалар айни муддао буларди.
Зеро,чет элларда футболимиз мухлислари-фукороларимиздан ташкари канчадан канча кушни давлатлик мухлисларимиз бор.
+3   
16 июн 07:27:20
ishqiboz36
Андижон деганим биласиз у ерда Нодирфанат бор у барчадан ишқибозликдан ўтади ва фанатларга ўзгача мотивация беради. Узр Нодиржон сизни фамилиянгизни билмайман
+3   
16 июн 07:23:57
ishqiboz36
Бир илтимос андижон фанатлари борми улар хам финал ўйинига келса Ўзбекистон биз сен билан Андижон деган лозунг билан. Нафақат андижон хамма вилоятлардан шундай лозунг билан бўлса футболчиларимизга бу хам ўзгача қувват бағишлайди.
+3   
16 июн 06:17:05
Ali7279
Кападзени энг катта ютуги уни агресив футболда ва заменани вактида уйинга караб киляпти
+2   
16 июн 10:28:57
Boburlion
Kapadze jamoasining yana bir ustunligi zahirada teng kuchli va saviya jihatdan bir biriga yaqin bòlgan futbolchilar jamlanganligi.
+2   
16 июн 05:43:51
Richardmyu
Бу ғалабадан сўнг.
Кун саволи.
Финал ўйинига энди, неча минг мухлис киради?
+2   
16 июн 04:56:16
Vatanparvar
Узбекистонга хакконий футбол кайтаётгани чемпионатимиздан хам куринаяпти. Диёр ва бошка мутасаддиларга рахмат. Халоллик хар доим юкори марралар сари етаклайди. Аллох кулласин барчамизни.
+2   
16 июн 04:41:56
Шухрат Эргашев
Футболимиздаги хозирги кунлардаги ютукларга сабаб, футболимизга, халоллик, кириб келди, ким зур булса уша уйнаяпди, таниш билишчилик, каррупция камайди, Узбекистонда спорта, футбол шарт шароитлари яхшиланди, рахбатлантириш урнида булаётганлиги, бу эса бундан кейин янада купрок ёшлар етишиб, чикишига, якин йиллар ичида кучли 5 лик чемпионатларида футболчиларимизни куришимизга сабаб булишини билдиради.
+2   
16 июн 04:08:58
Oybe50
Malades. Diyorboy juda togri va haq gaplar.
+1   
16 июн 16:49:31
LENEKER
Ёддан чикарманглар бир бир тийинга киммат мусобакада иштирок этаябмиз, агар олимпиада йулланмаси уйналганда биринчидан биз мезбон булолмасдик иккинчидан япон ва кореслар хакикий футбол уйнашни бошлашади.
+1   
16 июн 09:49:34
Xotambek Odilov
Бу қачондир Сречко Катанец кетса, бош жамоамиз тақдири ишончли қўлларда қолишини англатади...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
Qachondir kamida 5 yil Katanetsga tegish kerak emas.Kapadze finalni yutgan taqdirda xam undan avliyo yasab MTJ tiqishtirmanglar.Xozir tajriba to'playversin
+1   
16 июн 08:23:26
Bilboo
Richardmyu фойдаланувчининг фикрига жавоб бериш
Бу ғалабадан сўнг. Кун саволи. Финал ўйинига энди, неча минг мухлис киради?
80 mngli stadionmz boganda tolardi manmca
championat.asia
< сўнгги янгиликларни кўриш
Яндекс.Метрика