Диёр Имомхўжаев: "Ҳакамлар "Пахтакор" зарарига адашаётгани рост"

"Ҳакамлар "Пахтакор" зарарига адашаётгани (қасддан эмас) рост. Бу клуб атрофидаги унчалик ёқимли бўлмаган фикрларга қарши курашувчи антивирус вазифасини бажариб беради (клубга зарар келтирмагани ҳолатда).

1) "Пахтакор" ҳакамлар адашган ҳар иккала ўйинни ҳам ўз фойдасига ҳал қила олди (яъни, очко йўқотмади);

2) Ҳакамлар фақатгина бир томон учун адашади деган фикрлар анча камайишига сабаб бўлди.

Ҳакамлар икки хил адашади: қасддан ва билмасдан. "Пахтакор"даги адашиш иккинчи ҳолатга кўпроқ тўғри келса керак. Аммо факт шуки, Пахтакор ҳакамлар устидан шикоят ёзиб берди. Комиссия буни ўрганиб чиқади", - деб ёзади Диёр Имомхўжаев телеграмдаги каналида.

PS: ПФЛ бош директори маслаҳатчиси ҳакамлар адашган иккала ўйинда "Пахтакор" очко йўқотмаганлигини айтмоқда. Аммо, лекин бироқ... "Пахтакор" Наманганда "Навбаҳор"га қарши баҳсда 3:3 ҳисобини қайд этди ва 2 очко йўқотди. "Бухоро"га қарши баҳс эса ҳақиқатдан ҳам "шерлар"нинг ғалабаси билан якунланди.