Диққат танлов! "Бухоро" жамоасига лақаб танлашда иштирок этинг

“Реал Мадрид”ни  “қироллик клуби” , “Манчестер Юнайтед”ни “қизил иблислар” , “Бавария”ни “Голливуд ФК” ёки “Ювентус”ни “кекса синьора” деб аталаши барчамизга яхши маълум. Буни қарангки, нафақат клублар, балки миллий терма жамоалар олган бир қатор ихтиёрий ва баъзи бир мажбурий лақаблар ҳам киши эътиборини тортар экан.

Мамлакатимизда ҳам бу урф-одатлар аллақачон кириб келган. Олий лига жамоаларнинг кўпчилиги айнан лақаблар билан тилга олинишини кўп бора гувоҳига айланганмиз. Мисол учун “Пахтакор”-“шерлар”, “Бунёдкор”-“қалдирғочлар”, “Насаф”-“аждарлар”, “Шўртан”-оқ бўрилар”,-“Андижон”-“бургутлар”, “Навбаҳор”-“лочинлар”, “Нафтчи”-“чинорлар” деб аталишига кўникканмиз.

Ўзбек футболида ўз ўрнига эга бўлган Бухоронинг “Бухоро” жамоасида ҳамон лақаб йўқ. Тўғри жамоани турли даврларда турли лақаблар билан тилга олишганлар ҳам бўлди, аммо бу нарса кўпга бормади.

Янги мавсумга оз фурсад қолмоқда. “Бухоро” жамоаси мухлислар орасида танлов эълон қилади. Жамоага ўзига хос лақаб, тахаллус топган мухлис клуб томонидан тақдирланади.

Мухлислар ўз варианларини [email protected] электрон почтасига юборишларини сўраб қоламиз. Бундан ташқари ушбу хабар чиқадиган турли ижтимоий тармоқлар ва сайтларнинг комментарий бўлимида изоҳ қолдиришлари мумкин.

П.С: Лақаб танланишида жамоа тарихига, миллийлик, вилоят тарихи ва тимсолларига урғу қаратишларингизни сўраймиз.
Бухоро футболининг ривожи йўлида ҳар биримиз ўз ҳиссамизни қўшайлик.